«Ja chaču, kab ludzi pierastali pamirać praz hetuju biessensoŭnuju vajnu», — skazaŭ 45-y prezident ZŠA.
Donald Tramp nie vyklučyŭ, što ŭkrainskim uładam, mahčyma, daviadziecca sastupić častku terytoryi na karyść Rasii, kab spynić vajnu, jakaja pačałasia z uvarvańnia rasijskich vojskaŭ va Ukrainu 16 miesiacaŭ tamu.
Akramia taho, jon zajaviŭ, što rasijski prezident byŭ «krychu asłableny» miaciažom «vahnieraŭcaŭ» i što ZŠA pavinny vykarystoŭvać hety momant dla pieramovaŭ ab mirnym urehulavańni pamiž Rasijaj i Ukrainaj.
«Ja chaču, kab ludzi pierastali pamirać praz hetuju biessensoŭnuju vajnu», — skazaŭ Tramp u intervju Reuter.
«Ja dumaju, što samaja vialikaja reč, jakuju ZŠA pavinny rabić ciapier, — heta ŭstanaŭleńnie miru: sabrać Rasiju i Ukrainu i zaklučyć mir», — dadaŭ były prezident ZŠA.
Adnosna abvinavačvańniaŭ u vajennych złačynstvach, vyłučanych suprać Pucina Mižnarodnym kryminalnym sudom u sakaviku minułaha hoda, Tramp skazaŭ, što jaho los varta abmiarkoŭvać, kali vajna skončycca, «bo ciapier, kali vy padnimiecie hetuju temu, vy nikoli nie dasiahniacie miru, vy nikoli nie dasiahniacie ŭrehulavańnia».
Raniej jon nieadnarazova zajaŭlaŭ, što kab byŭ prezidentam ZŠA, to zaviaršyŭ by vajnu za 24 hadziny.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB33
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Čužoje otdavať lehko...