Krystof Hałćje zatrymany pa spravie ab rasavaj dyskryminacyi.
Hałoŭnaha treniera «PSŽ» Krystofa Hałćje źmiaścili pad vartu ŭ Nicy razam sa svaim synam. Pryčyna — sprava ab rasavaj dyskryminacyi, pra jakuju stała viadoma niekalki miesiacaŭ tamu paśla ŭciečki z pošty Žuljena Furńje, eks-dyrektara futbolnaha kłuba «Nica». Hałćje treniravaŭ hety kłub u 2021-2022 hadach.
U listach Furńje kazaŭ pra razmovy z Hałćje, u jakich toj skardziŭsia na kolkaść «čornych i musulman» u kamandzie, jak paviedamlaje telehram-kanał «Ostorožno. Novosti».
Siońnia trenier i jaho syn (taksama eks-supracoŭnik kłuba) byli vyklikanyja ŭ Nicu i byli źmieščanyja pad vartu na čas dačy pakazańniaŭ.
Paśla hetaha Hałćje mohuć albo adpuścić, albo adpravić u sud. 56-hadovy trenier moža być pryciahnuty da adkaznaści za akty «dyskryminacyi pa prykmiecie rasy abo relihii».
Zhodna z artykułam 225-1 Kryminalnaha kodeksa Francyi pa joj pahražaje da 3 hadoŭ turmy i štraf u pamiery 45 000 jeŭra.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma19
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary