«Jabaćka lejtenanta Šmita» Zasłaŭski-Aŭtuchovič praciahvaje hastralavać pa krainie
Siarhiej Zasłaŭski-Aŭtuchovič prasłaviŭsia tym, što, budučy nieadnarazova sudzimy, pad maskaj pakaznoha jabaćki ŭbiŭsia ŭ łasku da łukašenkaŭskich hienierałaŭ. Niadaŭna jon trapiŭ na Akreścina pa administracyjnym artykule. Ale paśla vychadu, akazvajecca, jaho dahetul zaprašajuć na mierapryjemstvy.
Na vychadnych va Ušačach prachodziŭ fiestyval «Ekstrym Praryŭ — 2023». Arhanizatar — fizkulturna-azdaraŭlenčy kompleks «Junactva-Ušačy».
Na mierapryjemstva zaprasili Siarhieja Zasłaŭskaha, jakoha nazvali «ŭładalnikam siami suśvietnych rekordaŭ, čatyry ź jakich zaniesienyja ŭ Suśvietnuju knihu rekordaŭ Hiniesa».
Siońnia Zasłaŭski spaborničaŭ u katehoryi «Žym hir 24 kh na łaŭcy biez apory noh», mahčyma, im samim i prydumanaj.
Siarhiej Aŭtuchovič-Zasłaŭski — psieŭdačempijon u ciažkaj atletycy.
U realnaści, šmatrazova sudzimy za razboi, jon zmoh stać namieśnikam Dźmitryja Paŭličenki ŭ Asacyjacyi vieteranaŭ śpiecnaza i stvaryć sabie bliskučuju reputacyju ŭ dziaržaŭnych orhanach. Aproč padstaŭnoj formy, u jaho byŭ tolki adzin arhumient — pazicyja «za Łukašenku».
Paśla taho, jak hety čałaviek vypadkova trapiŭ na Akreścina za repost artykuła pra siabie samoha ź niejkaha «ekstremisckaha», pa viersii łukašystaŭ, resursu, žurnalistam stali viadomyja sapraŭdnyja detali jaho bijahrafii.
Mužčyna atrymaŭ zapar dva prysudy pa 15 sutak.
Sapraŭdnaje proźvišča Zasłaŭskaha — Aŭtuchovič.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary