Psieŭdaśpiecnazaŭca Zasłaŭskaha-Aŭtuchoviča pierazatrymali na 15 sutak. Mahčymaja kryminalnaja sprava
Na minułym tydni my raskazvali trahikamičnuju historyju, jak pa minskich uładnych kalidorach pad vyhladam majora ŭnutranych vojskaŭ hastralavaŭ šmatrazova sudzimy Siarhiej Aŭtuchovič. Pad markaj «za baćku!» jon staŭ uvachodzić da top-čynoŭnikaŭ, ale za repost «ekstremisckich materyjałaŭ» atrymaŭ sutki. Historyja atrymlivaje praciah.
Siarhiej Aŭtuchovič-Zasłaŭski — psieŭdaśpiecnazaviec i psieŭdačempijon u ciažkaj atletycy.
U realnaści, šmatrazova sudzimy za razboi, jon zmoh praleźci ŭ namieśniki da Dźmitryja Paŭličenki ŭ Asacyjacyi vieteranaŭ śpiecnaza i zrabić sabie bliskučuju reputacyju ŭ dziaržaŭnych orhanach. Aproč padstaŭnoj formy, u jaho byŭ tolki adzin arhumient — pazicyja «za Łukašenku».
Paśla taho, jak hety čałaviek vypadkova trapiŭ na Akreścina za repost artykuła pra siabie samoha ź niejkaha «ekstremisckaha» pa viersii łukašystaŭ resursu, žurnalistam stali viadomyja sapraŭdnyja detali jaho bijahrafii.
I, jak stała viadoma «Našaj Nivie», Siarhiej Aŭtuchovič pierazatrymany pa administratyŭcy i zastajecca na Akreścina. Dakładny artykuł nam nieviadomy.
Imavierna, dla «jabaćki lejtenanta Šmita» usio moža skončycca horaj, čym prosta sutkami.
«Nakolki ja razumieju, pieršy čas jon sam naprošvaŭsia sa svaimi sieminarami i lekcyjami da vajskoŭcaŭ i milicyjanieraŭ, kab sabrać partfolia.
Ale dakładna viadoma, što nastupny krok — zapyt biudžetnych srodkaŭ dla praciahu takoj «važnaj» i acenienaj hramatami ministerstvaŭ dziejnaści, na prajekt «Za mocnuju Biełaruś». Jon dzialiŭsia takimi płanami ź siłavikami, ale padrabiazna heta abmiarkoŭvaŭ, pa łohicy, z cyvilnymi čynoŭnikami, jakija mahli b znajści na heta biudžet, bo ŭ vajskoŭcaŭ jaho nie było.
I ŭ hetym zaklučajecca pryncypovy momant. Kali jon prosta duryŭ čynoŭnikaŭ, to abydziecca administratyŭkami za niepravamiernaje našeńnie formiennaha adzieńnia, a taksama, ja dumaju, za dyskredytacyju našych dziejačaŭ MUS, jakija ź im fotkalisia — artykuły tut mohuć być lubyja. A voś kali jon atrymaŭ hrošy ad dziaržavy na svaju «Za mocnuju Biełaruś» — heta kryminałka», — razvažaje surazmoŭca, znajomy ź situacyjaj.
«Naša Niva» — bastyjon biełaruščyny
PADTRYMAĆCiapier čytajuć
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje9
Kamientary