«Pry niavyśvietlenych abstavinach». Pamior palitźniavoleny mastak Aleś Puškin
U sakaviku minułaha hoda jaho asudzili na piać hadoŭ kałonii za nibyta «reabilitacyju nacyzmu» i ździek ź dziaržaŭnych simvałaŭ. Jak «reabilitacyju nacyzmu» interpretavali napisańnie partreta antysavieckaha partyzana.
«Siońnia nočču ŭ reanimacyi pry niavyśvietlenych abstavinach pamior Aleś Puškin», — paviedamiła ŭ fejsbuku jaho žonka Janina.
Infarmacyju pra śmierć paćvierdzili ŭ hrodzienskaj turmie «Miediazonie».
«Našaj Nivie» ŭ turmie paviedamili, što Puškin znachodziŭsia ŭ Balnicy chutkaj miedyčnaj dapamohi. U samoj balnicy paćvierdzili, što mastak-palitviazień byŭ pad kanvojem u reanimacyi.
Mastaka spačatku zatrymali 30 sakavika 2021 hoda pa spravie ab nibyta reabilitacyi nacyzmu: na vystavie ŭ Hrodnie byŭ partret antysavieckaha partyzana Aŭhiena Žychara.
Na momant zaviadzieńnia spravy mastak byŭ u Kijevie, ale śpiecyjalna viarnuŭsia ŭ Biełaruś, kali spravu zaviali. Jaho zatrymali praź piać dzion u Žyličach, dzie jon pracavaŭ na restaŭracyi pałaca.
Puškina abvinavacili pavodle č. 3 art. 130 KK (reabilitacyja nacyzmu), a taksama pavodle art. 370 KK (ździek ź dziaržaŭnych simvałaŭ).
25 sakavika 2022 hoda Aleś padčas sudovaha pracesu parezaŭ sabie žyvot na znak pratestu. Za heta jaho na 13 sutak źmiaścili ŭ karcar.
30 sakavika 2022 hoda Alesia Puškina asudzili da piaci hadoŭ źniavoleńnia ŭ kałonii strohaha režymu. Administracyja kałonii №22 u žniŭni pakarała jaho piaćciu miesiacami ŭ PKT.
A viasnoj hetaha hoda jaho pieraviali ŭ hrodzienskuju turmu.
Alesiu Puškinu było 57 hadoŭ.
Ciapier čytajuć
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary