Palityk u svaim telehram-kanale prakamientavaŭ učorašniaje vyzvaleńnie palitviaźniaŭ, kali na svabodu vyjšli 25 čałaviek.
«Jak i mnohija biełarusy, učora ja radavaŭsia vyzvaleńniu čarhovaj hrupy palitviaźniaŭ i zasmučaŭsia, što zamiest abiacanaj pradstaŭnikom administracyi ZŠA ich vialikaj kolkaści, na volu vyjšli tolki 25 čałaviek.
Ščyra kažučy, čakany vynik. Bo było parušana klučavoje praviła handlu, jakoje pavinny viedać nie tolki śpiecyjalisty pa «ździełkach», ale i luby zvyčajny pakupnik.
Kali kuplaješ niejki tavar i zahadzia pačynaješ publična vykazvać svaju zacikaŭlenaść u nabyćci jaho vialikaj kolkaści, to pradaviec aŭtamatyčna padymie košt hetaha tavaru.
Razumieju, što pan Koŭł kazaŭ toje, što ź nieciarpieńniem čakali pačuć ad jaho tysiačy biełarusaŭ, ale, kali maješ spravu z pryrodžanym (u litaralnym sensie) handlarom, to varta prahnazavać jaho reakcyju na svaje słovy.
Ale, usio roŭna, dziakuj!
Vinšuju vyzvalenych dy ich blizkich! A tym, chto jašče ŭ źniavoleńni za svaje pierakanańni, zyču ciarpieńnia i voli! Trymajciesia, braty i siostry!», — napisaŭ Mikałaj Statkievič.
Učora na svabodu vyjšli 25 čałaviek. Pry tym što da hetaha vykazvałasia dumka, što moža być vyzvalena sotnia ci dźvie sotni čałaviek.
Tak daradca Śviatłany Cichanoŭskaj Franak Viačorka skazaŭ učora nastupnaje: «Nie taja ličba, jakaja anansavałasia, ale, ja dumaju, heta jašče nie kaniec. Sam Džon Koŭł tłumačyŭ, što jość peŭnyja ŭmovy z boku Mienska, kab vyzvalić ludziej. I najbližejšyja dni, tydni stanie jasna bolš. Mahčyma, heta źviazana z umovami Łukašenki pra razbłakavańnie finansavych srodkaŭ, aktyvaŭ. Moža być źviazana ź niekatorymi sankcyjnymi pradpryjemstvami. Jasna, što Łukašenka zaŭždy choča pakinuć za saboj apošniaje słova — pamianiać śpisy, nie dać, što abiacaŭ».
Viačorka: Nie taja ličba, jakaja anansavałasia, ale dumaju, što heta jašče nie kaniec
Litoŭskaja stamatałohija za hadzinu adhuknułasia dapamahčy biełarusam. Nieviadomyja historyi pieršaha dnia vyzvalenych palitviaźniaŭ
Cichanoŭskaja: Pieramovy pra vyzvaleńnie ludziej iduć ciažka
Chto z palitviaźniaŭ vyjšaŭ na svabodu 16 vieraśnia POŬNY ŚPIS
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary
[Zredahavana]
vyzvalili 25 u abmien na źniaćcio sankcyj z 2-ch pradpryjemstvaŭ? to bok - 12,5 palitviaźnia za pradpryjemstva.. kolki pradpryjemstvaŭ jašče pad sankcyjami zša? niby bolš za 100.. 12,5ch100+=1250+ palitviaźniaŭ možna vyzvalić.. a zaraz za kratami niby kala 900 palitviaźniaŭ..
to bok backa jašče pradziešaviŭ..
prabačcie, kaniečnie sarkazm