«Heta było majo raźvitalnaje pasłańnie horadu». U Minsku zatynkavali jašče adzin murał mastaka Mici Piślaka
U Minsku zatynkavali jašče adzin murał mastaka Mici Piślaka Dama con l'ermellino («Dama z harnastajem»), jak daviedaŭsia CityDog.io. Heta apošniaja praca Piślaka pierad emihracyjaj u Amieryku.
Malunak Dama con l'ermellino źjaviŭsia ŭ 2019 hodzie pa adrasie vuł. Čyrvonaarmiejskaja, 22. Ciapier na jahonym miescy — žoŭtaja ściana.
Letaś u Minsku zafarbavali murał Still Life (vuł. Čyhunačnaja, 31/1), jaki mastak stvaryŭ jašče ŭ 2017 hodzie padčas fiestyvalu Vulica Brazil.
Jak raskazaŭ Micia Piślak u kamientary CityDog.io, «Dama z harnastajem» — heta jahony apošni malunak, zrobleny pierad adjezdam u Amieryku.
«Ja natchniŭsia pracaj Leanarda Da Vinčy «Dama z harnastajem» i zrabiŭ svaju viersiju malunka, dadaŭšy niekalki detalaŭ: telefon jak simvał isnaj realnaści i viečny spadarožnik čałavieka, a jašče kanviert z kvitkom na samalot. Heta było majo raźvitalnaje pasłańnie horadu ź simvałami tych, chto pakidaŭ Minsk razam sa mnoj: maja žonka (užo byłaja) Nataša i troje našych katoŭ».
Sa słoŭ mastaka, heta praca była zroblenaja biez uzhadnieńnia z administracyjaj rajona, i, jak jon sam adznačaje, jamu vielmi pryjemna, što amal 4 hady isnavała ŭ Minsku i kamunalniki jaje nie čapali.
Na pytańnie, jak Micia reahuje na toje, što murał usio ž taki zatynkavali, mastak adkazaŭ, što vialikich pieražyvańniaŭ z hetaj nahody ŭ jaho niama.
«Znachodziačysia ŭ inšaj krainie, składana blizka ŭsprymać toje, što adbyvajecca ŭ inšaj častcy płaniety. Starajusia dumać pra toj momant, kali zmahu viarnucca ŭ Minsk i zrabić što-niebudź jašče».
Čytajcie taksama:
«Siabroŭ niama. Partniorki taksama. Kantaktuju tolki z mamaj». Čamu nam składana zavodzić siabroŭ i što z hetym rabić — tłumačyć psichołah
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club8
Kamientary