Alaksandr Łukašenka padpisaŭ zakon ab narodnym apałčeńni. U dakumiencie, jak paviedamlaje BiełTA, havorycca, što asnoŭnaja zadača apałčeńnia — sadziejničać orhanam unutranych spraŭ padčas vajennaha stanovišča i «abaraniać ułasnaść ad złačynnych zamachaŭ».
Alaksandr Łukašenka daručyŭ stvaryć u Biełarusi narodnaje apałčeńnie jašče ŭ mai minułaha hoda.
Pavodle zakona, narodnaje apałčeńnie budzie stvaracca ź liku dobraachvotnikaŭ, jakich uzbrojać.
Asnoŭnaja jaho zadača — sadziejničać terytaryjalnym orhanam unutranych spraŭ u zabieśpiačeńni vajennaha stanovišča, abaronie ŭłasnaści ad złačynnych i inšych supraćpraŭnych zamachaŭ.
Miascovymi savietami abarony narodnaje apałčeńnie moža pryciahvacca i dla inšych zadač pa zabieśpiačeńni vajennaha stanovišča.
Zabiaśpiečvacca hetaje apałčeńnie budzie za košt miascovych biudžetaŭ, a taksama achviaravańniaŭ.
Kolkaść apałčencaŭ u kožnym rajonie budzie zaležać ad kolkaści achvotnych i zadač, jakija im staviać.
Pry skasavańni vajennaha stanovišča apałčeńnie rasfarmoŭvajuć.
Atrady kamplektujucca dobraachvotnikami, «zdolnymi pa svaich asabistych jakaściach, stanie zdaroŭja vykonvać zadačy, praduhledžanyja hetym zakonam».
Udzieł u apałčeńni nie vyzvalaje ad pryzyvu na vajennuju słužbu pa mabilizacyi i ad pracy.
Ale pa rašeńni miascovych orhanaŭ najmalnik abaviazany vyzvalać rabotnika ad pracy dla ŭdziełu ŭ dziejnaści narodnaha apałčeńnia. Pry hetym za rabotnikam zachoŭvajecca miesca pracy, pasada słužačaha i siaredni zarobak.
Ciapier čytajuć
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam3
Kamientary