Biełaruski mahistrat «Knihaŭka» zavieršany. Sabrana 23 tysiačy jeŭra
Mahistrat «Knihaŭka» byŭ zapuščany Biełaruskaj radaj kultury šeść miesiacaŭ tamu dla padtrymki vydaviectva Andreja Januškieviča, jaki paśla pahromu i aryštu ŭ Biełarusi byŭ vymušany pakinuć krainu i pačać vydavieckuju dziejnaść u Polščy.
«Dziakuj vialiki ŭsim, chto dałučyŭsia da hetaj važnaj spravy! Dziakujučy vašaj padtrymcy «Knihaŭka» budzie zaraz lotać jašče vyšej i dalej). Za 6 miesiacaŭ da mahistrata dałučyłasia 325 čałaviek. Sabranaja suma na karyść «Knihaŭki» — 103 000 złotych (pryblizna 23 tysiačy jeŭra).
Za hety čas było vydadziena 13 knih, naładžana rehularnaje pradstaŭnictva biełaruskaj knihi na polskich knižnych kirmašach, stvorany sajt (chutka budzie zapuščany), zapuščana ŭ raspracoŭku niekalki važnych knižnych sieryj», — paviedamlajecca ŭ telehram-kanale «Biełaruskija mahistraty».
«Biełaruskija mahistraty» nahadvajuć, što samaja hučnaja navina — heta damova sa Styvienam Kinham nakont vydańnia jahonych knih pa-biełarusku. Taksama adnoŭlenyja damovy na praciah sieryj pra Hary Potera i Viedźmara, płanujecca vydańnie «Vaładara piarścionkaŭ». Buduć u hetym hodzie i cikavyja knihi ad biełaruskich aŭtaraŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku
Kamientary
Hrošy jo!
🤑