Biełaruskija słovy pieratvoranyja ŭ ijerohlify. Bryło i Vakaraŭ vydali kanceptualny albom
U vydaviectvie «Łohvinaŭ» vyjšaŭ kanceptualny albom dyzajniera Artura Vakarava «Tutejšy dzen». Kniha źmiaščaje karotkija vieršy ŭ japonskim styli ad paetki Sabiny Bryło i samoha Artura Vakarava, piša bellit.info.
«Tutejšy dzen. Słovy vieršaŭ Sabiny Bryło na dyzajny słovaŭ Artura Vakarava. Da siońnia takaja hrafičnaja estetyka była niedasiažnaja anivodnaj movie, akramia japonskaj. Ale ž biełaruskaja — samaja malaŭničaja? Tak. I hety albom — dokaz. Razhadvać słovy i sensy — całkam estecki dzen. Hulać, dyk hulać: vialiki farmat, ščylnaja papiera, daskanały druk», — havorycca ŭ anatacyi na sajcie vydaviectva Lohvinau.eu, dzie knihu možna kupić.
Sam aŭtar i dyzajnier Artur Vakaraŭ hetak raskazvaje pra stvareńnie knihi:
— Naša mova, jak i inšyja zachodnija, ałfavitnaja. Praces čytańnia — heta raskadavańnie absalutna niejtralnych litar, jakija, kali skłalisia ŭ znajomyja słovy i skazy, nabyvajuć sens i emocyju. Ź ijerahlifičnymi pa-inšamu: usprymajecca niepasredna vobraz. Cviadomaść nie «pramaŭlaje» słovy, znak pracuje naŭprost jak vobraznaja adzinka. Tamu kažuć, što ijerohlify — heta bolš siemantyčnaje čytańnie, a ałfavity — fanietyčnaje.
Ja nie staraŭsia adpaviadać kanonam kłasičnaj japonskaj kalihrafii (hetym i bieź mianie zajmajecca dastatkova šmat ludziej). Dy i niemahčyma daskanała pieradać našu kirylicu i łacinku praz najaŭnyja kampanienty ijerahlifičnaha piśma. Ja ŭziaŭ ahulny nastroj: składanaść, hrafičnaść, raznastajnaść. Skarystaŭ hałoŭny pryncyp, što ijerohlif — heta karcinka z historyjaj i emocyjaj. Toje, što pry čytańni ijerohlifaŭ voka čytača spyniajecca, razhladaje.
Tak, ijerohlify patrabujuć bolš vysiłkaŭ dla pračytańnia, ale lepš zapaminajucca, jak fiłasofskija sensy. Dzieści bačyŭ trapnuju mietafaru, što ałfavitnaje čytańnie — heta maršrut pa znajomaj vulicy, a ijerahlifičnaje — pavolny špacyr pa parku.
-
Za adnu bazavuju pradajuć histaryčny brovar z majontka Śviackich. U tym ža majontku pracavaŭ i Janka Kupała
-
«Vajb Pieciarburha». Rasijski režysior pastaviŭ u Kupałaŭskim «Serca na dałoni» pa Šamiakinu — vodhuki palarnyja
-
Siońnia biełarusy ŭ Biełastoku i ŭ Varšavie paŭdzielničajuć u «Nočy kniharniaŭ»
Deputatka, jakaja rychtuje pryhažuń dla Łukašenki, vyjšła zamuž23
Kamientary