Rodam z Homiela, pracavała ŭ EPAM. Što viadoma pra biełarusku, jakaja raźbiłasia ŭ viertalocie z ezaterykami na Ałtai
U Rasii na Ałtai dniom 27 lipienia paciarpieŭ krušeńnie viertalot Mi-8 z pasažyrami na borcie, zahinuła siamiora ludziej. Pavodle papiaredniaj infarmacyi MZS Biełarusi, siarod zahinułych była i hramadzianka Biełarusi. Telehram-kanał Mash paviedamlaŭ, što havorka pra 35-hadovuju Alenu Patašenka. Vydańnie «Lusterka» znajšło infarmacyju pra jaje.
Infarmacyju pra toje, što biełaruska zahinuła, MZS Biełarusi nazyvała papiaredniaj. Blizkija žančyny paćvierdzili, što Patašenka sapraŭdy była na borcie, ale detalaŭ nie paviedamili:
«Alena była ŭ viertalocie. Bolš danych u nas ciapier niama. Čakajem adkazu ad MZS».
Pavodle ich słoŭ, dakładnaj infarmacyi pra stan žančyny na viečar 27 lipienia im atrymać nie ŭdałosia. 28 lipienia svajačka Aleny ŭdakładniła, što ŭsio jašče nie ŭ kursie, što ź joj.
Alena Patašenka rodam z Homiela, pavodle infarmacyi telehram-kanała Mash, joj było 35 hadoŭ. U sacsietkach u žančyny paznačana miesca pracy — EPAM Belarus. Tudy jana pryjšła ŭ 2014 hodzie.
Alena skončyła Homielski dziaržaŭny ŭniviersitet imia Francyska Skaryny, pryčym nie adzin raz: atrymała dypłom na ekanamičnym fakultecie i fakultecie kiravańnia. Miarkujučy z sacsietak, jana viała aktyŭny ład žyćcia, šmat padarožničała pa Biełarusi i nie tolki.
Pajezdka na Ałtaj miełasia stać častkaj adpačynku Aleny: jak raspaviali kalehi, žančyna była ŭ adpačynku da 2 žniŭnia.
Nahadajem, na terytoryi rasijskaj Respubliki Ałtaj dniom u čaćvier, 27 lipienia, paciarpieŭ krušeńnie viertalot Mi-8 z udzielnikami sustrečy ezaterykaŭ na borcie. Šeść čałaviek pamierli. Jašče siamiora paciarpieli, ź ich troje ŭ ciažkim stanie z apiokami 90% cieła, u astatnich taksama apioki.
Ciapier čytajuć
Andrej Švied, architektar represij, pryznačany staršynioj Viarchoŭnaha suda4
Kamientary
a žienŝinu žal.