Supracoŭnik Instytuta vyvučeńnia vajny adredahavaŭ kartu bajavych dziejańniaŭ. Niechta padniaŭ na hetym 1,3 miljona dalaraŭ

Amierykanski Instytut vyvučeńnia vajny (ISW) rehularna publikuje spravazdačy ab situacyi va Ukrainie, acenki vajskovych analitykaŭ i padrabiaznyja karty biahučych linij frontu. Hetyja karty zasnavanyja na analizie ahulnadastupnaj infarmacyi (raźviedka z adkrytych krynic abo OSINT), spadarožnikavych zdymkaŭ, uradavych danych i spravazdač ab frantavoj linii z sacyjalnych sietak. Na svaim sajcie analityčny centr zajaŭlaje, što jaho acenki biahučych linij frontu vykarystoŭvajucca viadučymi mižnarodnymi ŚMI, palityčnymi dziejačami, supracoŭnikami raźviedki i vajskoŭcami.

Adnak vysokaja stupień davieru da hetych danych pryviała da taho, što karty instytuta pačali vykarystoŭvacca ŭ śfiery, dalokaj ad prafiesijnaj vajskovaj analityki. Płatforma dla stavak Polymarket, jakaja bazujecca ŭ Ńju-Jorku i pracuje na asnovie kryptavalut, ujaŭlaje saboj rynak prahnozaŭ, dzie karystalniki mohuć stavić hrošy na vynik padziej praktyčna ź luboj haliny — ad razvodaŭ znakamitaściaŭ i vybaraŭ da pryrodnych katastrof i vajennych dziejańniaŭ. Praz heta płatforma rehularna traplaje pad krytyku za «hiejmifikacyju suśvietnych padziej».

Mienavita na skryžavańni hetych dźviuch śfier — surjoznaj ekśpiertyzy i azartnych hulniaŭ — razhareŭsia skandał, padrabiaznaści jakoha raskryli žurnalisty 404media.

15 listapada, kali rasijskija vojski znachodzilisia na ŭskrainach Mirnahrada (Danieckaja vobłaść), na płatformie Polymarket byŭ adkryty rynak stavak na zachop horada da kanca sutak.

Pavodle ŭmoŭ płatformy, Mirnahrad ličyŭsia b zavajavanym Maskvoj, jak tolki rasijskija vojski, zhodna ź biahučaj kartaj frontu ISW, zaniali b skryžavańnie pamiž vulicami Vatucina i Puhačova. Kali hetaje skryžavańnie paznačana na karcie čyrvonym koleram, heta aznačaje rasijski kantrol.

Ahulny abjom stavak skłaŭ kala 1,3 miljona dalaraŭ. Pavodle acenki ekśpiertaŭ, imaviernaść poŭnaha zachopu horada za niekalki hadzin była blizkaj da nula, što dazvalała ryzykoŭnym hulcam raźličvać na vypłaty ŭ pamiery da 33 000% ad sumy staŭki.

Pavialičyć

U noč z 15 na 16 listapada skryžavańnie zhadanych vulic na karcie ISW raptam było paznačana čyrvonym koleram, choć realnych śviedčańniaŭ prasoŭvańnia vojskaŭ nie było. Hetaha było dastatkova, kab Polymarket imhnienna pryznała staŭku vyjhryšnaj. Adnak adrazu paśla vypłaty hrošaj čyrvony koler na karcie ISW tajamničym čynam źnik, a linija frontu viarnułasia ŭ raniejšaje stanovišča. Heta paćvierdziła, što nijakaha realnaha prasoŭvańnia vojskaŭ u hetym kvartale nie było.

Kiraŭnictva ISW pryznała fakt «niesankcyjanavanaha i niaŭchvalenaha» redahavańnia. Pavodle aficyjnaj zajavy, praŭka była vydalenaja ranicaj 16 listapada jašče da pačatku asnoŭnaha pracoŭnaha pracesu. Instytut prynios aficyjnyja vybačeńni. Pa infarmacyi vydańnia Responsible Statecraft, adrazu paśla hetaha z aficyjnaha śpisu aŭtaraŭ štodzionnych kartaŭ byŭ vydaleny adzin z hieaprastoravych daśledčykaŭ, jakoho, pavodle krynic vydańnia, zvolnili.

ISW JUST OPENLY DEFRAUDED POLYMARKET

this in not an hyperbole.

They painted a fictitious advance, right on the capture point, 1h before resolution, when the market was at 0.3c

Then rolled it back immediately after resolution

THIS IS NOT A MISTAKE !

- Not a single… pic.twitter.com/Co927EwU0J

— Internet Child (@0xinternetchild) November 16, 2025

U svajoj zajavie ISW padkreśliŭ, što kateharyčna vystupaje suprać vykarystańnia svajho analizu dla azartnych hulniaŭ, adnak admoviŭsia paćvierdzić fakt praviadzieńnia ŭnutranaha rasśledavańnia abo nazvać proźvišča zvolnienaha supracoŭnika. Apisany vypadak stavić pad pytańnie nie tolki etyčnaść stavak na vajennyja kanflikty, ale i dakładnaść ekśpiertnaj infarmacyi, jakaja stanovicca instrumientam finansavaj śpiekulacyi.

Dadamo, što staŭka na zachop Mirnahrada rasijskimi vojskami jašče dastupnaja anłajn i prapanuje try terminy poŭnaha zavajavańnia: da 31 śniežnia hetaha hoda abo da 15 ci 31 studzienia nastupnaha. Adnak paśla niadaŭniaha skandału Polymarket była vymušana ŭnieści ŭdakładnieńnie ŭ praviły: ciapier horad budzie ličycca zachoplenym tolki ŭ tym vypadku, kali adpaviednaja paznaka na karcie ISW pratrymajecca na praciahu ŭsiaho nastupnaha poŭnaha cykła štodzionnaha abnaŭleńnia.

• 1
• 0
• 3
• 4
• 2
• 0
• 4
• 0