«Pytańnie nie ŭ prarasijskaści, a ŭ adekvatnaści». Kraŭcoŭ prakamientavaŭ pres-kanfierencyju Babaryki
«Nivodnamu biełarusu ŭ Minsku abo ŭ Homieli nie pryjdzie ŭ hałavu raskazvać historyi pra toje, kab u Rasii ŭsio razburyłasia».
«My prasili, kab jany nie ŭdzielničali, ale ŭkrainski bok nie pakinuŭ im vybaru», — zajaviŭ Ivan Kraŭcoŭ u intervju vice-prezidentu Free Russia Foundation Hryhoryju Frałovu ŭ novym vypusku prajekta «Razbor» na kanale «Tranzit», zhadvajučy pres-kanfierencyju, udzieł u jakoj uziali Viktar Babaryka i Maryja Kaleśnikava na druhi dzień paśla vyzvaleńnia.
Zhadaŭšy rezkuju reakcyju peŭnaj častki biełarusaŭ, Kraŭcoŭ patłumačyŭ, što padobnaje abureńnie čaściej za ŭsio zychodzić ad vuzkaj hrupy ludziej u dyjaspary, jakich jon nazvaŭ «vielmi radykalnymi i vielmi zaradžanymi». Na dumku Kraŭcova, vialikaj pamyłkaj źjaŭlajecca ŭsprymać hetu hrupu jak asnoŭnuju.
«Kali ty biełaruski papularny palityk, ty pavinien pracavać z hramadskim mierkavańniem bolšaści biełarusaŭ, a nie aryjentavacca na voś hetuju zaradžanuju aŭdytoryju. Heta bazavaja historyja», — padkreśliŭ jon.
Asobna ŭ razmovie Kraŭcoŭ spyniŭsia na adnosinach da Rasii.
«My možam kolki zaŭhodna nie lubić Pucina. My možam kolki zaŭhodna kazać tam, što jon zrabiŭ. My možam kazać. Ale Rasija nikudy nie źniknie», — davioŭ u čarhovy raz svaju pazicyju babarykaniec i nazvaŭ papularnyja ŭ niekatorych kołach zakliki i čakańni taho, što susiedniaja dziaržava «razvalicca ci prapadzie», «fentezi».
«Mnie prosta časam śmiešna čuć, (…) u nas zajavy tam ludzi robiać: treba, kab Rasija razvaliłasia, kab jana źnikła, kab jana prapała i hetak dalej. Nu heta, z majho punktu hledžańnia, jak by fentezi, fentezi-dyskurs».
Jak padkreśliŭ Kraŭcoŭ, Rasija — «vielizarnaja kraina, ź jakoj my znachodzimsia ŭ Sajuznaj dziaržavie».
Kraŭcoŭ pierakanany, što rytoryka pra «raspad Rasii» zusim nie ŭłaściva ludziam, jakija žyvuć unutry krainy.
«U nas pavodle hramadskaha mierkavańnia ludzi ŭ siarednim vielmi pazityŭna staviacca da Rasijskaj Fiederacyi. Jany tudy jeździać pracavać, heta asnoŭny naš handlovy partnior. Nivodnamu biełarusu, jaki, dapuścim, u Minsku znachodzicca abo ŭ Homieli, nie pryjdzie ŭ hałavu raskazvać historyi pra toje, što ŭsio, zaraz treba, kab tam, nie viedaju, byŭ jadzierny hryb, usio voś heta razburyłasia. Nu heta niejkaje, ščyra kažučy, tryźnieńnie».
Pry hetym vystupoŭca adznačyŭ, što havorka idzie nie pra simpatyi da Maskvy, a pra palityčnuju kampietentnaść.
«Tut pytańnie nie ŭ prarasijskaści, pytańnie ŭ adekvatnaści. Što kali ty niešta razumieješ naohuł pra mižnarodnuju sistemu, pra architekturu biaśpieki, pra makraekanomiku, pra palityku, pra pracu z aŭdytoryjaj, ty prosta takoha sabie ŭ hałavie nie možaš ujavić. Što treba zajmacca tym, što raspaviadać tam na strymach «maŭlaŭ, davajcie pačakajem, kab Rasija razvaliłasia».
Pra što jašče išła havorka ŭ intervju — nieviadoma. Jaho zapis źjaviŭsia 17 śniežnia, ale nieŭzabavie źnik z dostupu biez tłumačeńnia pryčyn.
«Naša Niva» — bastyjon biełaruščyny
PADTRYMAĆCiapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju12
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary