Litoŭskaja palicyja biare na siabie achovu Śviatłany Cichanoŭskaj
Heta adbudziecca ŭ bližejšyja dni.
Supracoŭniki litoŭskaj palicyi biaruć na siabie achovu biełaruskaj demakratyčnaj lidarki Śviatłany Cichanoŭskaj, paćvierdziŭ ahienctvu BNS pres-sakratar Departamienta palicyi Ramunas Matonis.
«Mahu paćvierdzić, što palicyja biare na siabie achovu Cichanoŭskaj», — paviedamiŭ ahienctvu BNS Ramunas Matonis.
Pra namier źnizić uzrovień biaśpieki Cichanoŭskaj i jaje pracoŭnaha miesca było abvieščana jašče ŭ kastryčniku.
Raniej ekśpierty mierkavali, što źmieny ŭ sistemie biaśpieki aznačajuć, što dom i ofis Cichanoŭskaj zastajucca pad abaronaj, ale lidarka biełaruskaj apazicyi hublaje asabistuju achovu ŭ Litvie i za miažoj. Ramunis Matonis zajaviŭ, što infarmacyja pra režym jaje achovy nie budzie abnarodavanaja.
Prychilniki rašeńnia śćviardžajuć, što źmianieńnie ŭzroŭniu abarony Cichanoŭskaj źviazana sa źmianšeńniem pahroz dla jaje i techničnymi pryčynami.
Krytyki padazrajuć, što hetaje rašeńnie mieła palityčny charaktar i było nakiravana na zadavalnieńnie tych, chto ličyć, što Śviatłanie Cichanoŭskaj, jakaja prybyła ŭ Litvu ŭ 2020 hodzie paśla prezidenckich vybaraŭ u Biełarusi, nadajecca praźmiernaja ŭvaha i što na jaje achovu vydatkoŭvajecca zanadta šmat resursaŭ. Na ich dumku, takoje rašeńnie prynižaje status lidara apazicyi.
Paśla źmianieńnia ŭzroŭniu abarony Śviatłana Cichanoŭskaja moža pierajechać žyć i pracavać u Polšču.
Dypłamatyčny daradca Cichanoŭskaj Dzianis Kučynski tady zajaviŭ, što kančatkovaje rašeńnie ab zabieśpiačeńni achovy ŭ Litvie jašče nie pryniata.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary
Vidać, kinuli kostku, kab hranty nie ŭviała źnianacku ŭ Polšču, bo biudžet krainy nia syjdziecca tady i hałodnyja rty dakačajuć dziejsny Majdan.
- Miełkije priestuplenija diekriminalizovany, škvał vorovstva smartfonov tomu primier.
- Entuziazm jevromientov pojavlajetsia tolko kohda nado štrafovať prostych hraždan, oni ž nie priačutsia. Občistiat mašinu - dadut bumažku i nie budut ničieho iskať, a jeśli niepravilno zaparkuješsia - oni tut kak tut.
- V jevromienty idut za stabilnoj zarpłatoj i socialnymi pluškami. Pri najmie suŝiestvujut kvoty dla žienŝin (eto točno jesť v Ispanii) i v mienty idut daleko nie samyje łučšije.