Naŭsieda: My pavinny być ćviordymi ŭ spravie sankcyj suprać Rasii i Biełarusi
Prezident Litvy Hitanas Naŭsieda, vystupajučy pierad žurnalistami ŭ Brusieli, zajaviŭ, što Jeŭrapiejskamu sajuzu ciapier nie varta sumniavacca ŭ nieabchodnaści novych sankcyj suprać Rasii i Biełarusi, piša Delfi.lt.
Kiraŭnik Litvy padkreśliŭ, što rasijskaja ekanomika znachodzicca ŭ niaprostym stanie, tamu Jeŭropa pavinna ŭzmacnić cisk, u pieršuju čarhu na bujnyja enierhietyčnyja kampanii.
«Što tyčycca sankcyj suprać Rasii i Biełarusi, my pavinny być ćviordymi.
Ja liču, što ciapier nie čas sumniavacca, i my pavinny nacelicca na samyja balučyja miescy — «Hazpram», «Navatek» i «Łukojł», tamu što tolki samyja śmiełyja rašeńni nanosiać adčuvalnyja straty režymu i ŭpłyvajuć na rasijskuju ekanomiku, jakaja i biez taho znachodzicca nie ŭ najlepšym stanie», — zajaviŭ Naŭsieda.
«My viedajem, što ich ekanomika kulhaje, i my pavinny jašče bolš pastaracca, kab prymusić Rasiju zapłacić za svaju ahresiju», — dadaŭ jon.
Jaho mierkavańnie prahučała na fonie sustrečy lidaraŭ ES u Brusieli, dzie abmiarkoŭvajucca finansavyja i vajskovyja patreby Ukrainy na nastupnyja hady. Adnoj z prapanoŭ Jeŭrapiejskaj kamisii źjaŭlajecca vydača Ukrainie rasijskich zamarožanych aktyvaŭ u vyhladzie kredytu, jaki treba budzie viartać tolki ŭ vypadku vypłaty Rasijaj reparacyj paśla vajny.
Akramia Ukrainy, lidaraŭ ES čakajuć abmierkavańni doŭhaterminovaha biudžetu błoka na 2028—2034 hady, prahresu krain Zachodnich Bałkan u pracesie intehracyi, hieaekanamičnaj situacyi, ekanamičnych vyklikaŭ dla ES i mahčymaści padpisańnia pahadnieńnia ab svabodnym handli z čatyrma krainami Łacinskaj Amieryki.
«Łukašenka ŭjaŭlaje, što Polšča mahła b admovicca ad padtrymki biełaruskaj apazicyi ŭ abmien na Pačobuta. Hetaha nie budzie»
Śpikier Siejma Litvy dapuściŭ źmianieńnie adnosin ź Biełaruśsiu: adny tolki sankcyi dajuć vynik, ale nie kančatkovy
U Litvie dapuścili tranzit biełaruskaha kaliju i prapanavali ŭviazać jaho z prysutnaściu sił ZŠA ŭ krainie
Litva nie budzie prapuskać biełaruski kalij praz Kłajpiedu, niahledziačy na admienu sankcyj ZŠA
Ministry zamiežnych spraŭ ES uchvalili pašyreńnie sankcyjnaha režymu ŭ dačynieńni da Biełarusi
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy39
Kamientary