U Kyrhyzstanie zvolniać čynoŭnikaŭ, jakija nie havorać pa-kyrhyzsku: «Było dastatkova času, kab vyvučyć»
Urad Kyrhyzstana abjaviŭ, što dziaržaŭnyja čynoŭniki, jakija nie razmaŭlajuć na dziaržaŭnaj movie — kyrhyzskaj — buduć zvolnienyja z pracy. Papiaredžańnie prahučała praź niekalki dzion paśla taho, jak prezident Sadyr Žaparaŭ padpisaŭ zakon, jaki abaviazvaje dziaržaŭnych słužboŭcaŭ vałodać kyrhyzskaj movaj, piša «Radyjo Svaboda».
Napiaredadni kiraŭnik Nacyjanalnaha kamiteta dziaržaŭnaj movy Kanybiek Asmanalijeŭ zajaviŭ, što ŭ čynoŭnikaŭ, jakija nie vałodajuć kyrhyzskaj movaj, było dastatkova času, kab vyvučyć jaje, bo namahańni pa ŭmacavańni statusu dziaržaŭnaj movy rabilisia hadami.
Zakon patrabuje, kab usie dziaržaŭnyja słužboŭcy, u tym liku deputaty, supracoŭniki bankaŭ, pravaachoŭnych orhanaŭ, sudździ, prakurory, advakaty i nataryusy, svabodna vałodali kyrhyzskaj movaj.
Kyrhyzstan upieršyniu pryniaŭ zakon ab dziaržaŭnaj movie ŭ 1989 hodzie, i ŭ jaho niekalki razoŭ unosilisia papraŭki.
«U papiarednim zakonie havaryłasia, što «aficyjnyja dakumienty pavinny składacca albo na dziaržaŭnaj (kyrhyzskaj), albo na aficyjnaj (ruskaj) movie». Tolki z pryčyny hetaha «albo» ŭsia dakumientacyja 34 hady pisałasia na ruskaj movie. My heta [ŭ novym zakonie] prybrali», — zajaviŭ Asmanalijeŭ.
Novy zakon abviaščaje, što ŭsie aficyjnyja dakumienty nadalej pavinny pisacca na kyrhyzskaj movie, a pry nieabchodnaści buduć pierakładacca na inšyja.
Ciapier čytajuć
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna15
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary