U adnaho z mužčyn, jakija supravadžali Andžalinu Džali va Ukrainie, uźnikli prablemy z vajenkamatam
4 listapada padčas pravierki na błokpaście kala horada Paŭdniovaŭkrainsk ŭ Mikałajeŭskaj vobłaści rabotniki terytaryjalnaha centra kamplektavańnia (hety orhan va Ukrainie adkazvaje za mabilizacyju) i palicejskija vyśvietlili, što ŭ kiroŭcy sa składu hrupy halivudskaj aktrysy, hramadzianina Ukrainy P. 1992 hoda naradžeńnia, adsutničajuć vajskova-ŭlikovyja dakumienty, piša ahienctva UNIAN sa spasyłkaj na krynicy ŭ Suchaputnych vojskach Ukrainy.
Mužčynu praviali ŭ terytaryjalny centr kamplektavańnia (TCK) dla vyśviatleńnia statusu vajennaabaviazanaha. U chodzie pravierki vyśvietliłasia, što hramadzianin źjaŭlajecca aficeram zapasu, a paćvierdžanych padstaŭ dla adterminoŭki ad mabilizacyi nie maje.
Mužčyna ŭ jakaści kiroŭcy znachodziŭsia ŭ składzie hrupy, jakaja supravadžała aktrysu Andžalinu Džali. Na momant vyśviatleńnia ŭsich abstavinaŭ hetaja hrupa znachodziłasia pobač.
Kali byli ŭstanoŭlenyja ŭsie abstaviny, aktrysa praciahnuła svoj zapłanavany šlach dalej. Paviedamlajecca, što ni jana sama, ni jaje pradstaŭniki nie ŭpłyvali na pracu supracoŭnikaŭ TCK.
Ciapier P. rychtujecca da vajskovaj słužby pa mabilizacyi.
U toj ža čas inšyja krynicy śćviardžajuć, što P. na samaj spravie nie było ŭ aficyjnym składzie kamandy, jakaja supravadžała Džali. Inšyja pišuć, što jon byŭ nie kiroŭcam, a achoŭnikam.
Pra naviedvańnie znakamitaj halivudskaj aktrysaj Anžalinaj Džali pryfrantavoha Chiersona stała viadoma siońnia. Pavodle papiarednich źviestak, aktrysa pryjechała ŭ hety horad u ramkach prahramy dabračynnaj dapamohi. Jana naviedała miascovyja miedycynskija ŭstanovy.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary