Urad Respubliki Małdova ŭ paniadziełak uchvaliŭ zakonaprajekt ab denansacyi pahadnieńnia z Rasijaj ab stvareńni i funkcyjanavańni kulturnych centraŭ.
Prajekt praduhledžvaje zakryćcio ŭ Kišyniovie tak zvanaha Ruskaha doma (Rasijskaha centra navuki i kultury — pradstaŭnictva rasijskaha dziaržaŭnaha ahienctva «Rassupracoŭnictva»), paviedamlaje Radio Moldova.
Ministr kultury Kryścian Žardan zajaviŭ, što centr byŭ adkryty na padstavie pahadnieńnia pamiž Rasijaj i Małdovaj 1998 hoda, jakoje rehuluje kulturnaje supracoŭnictva. Jaho termin zakančvajecca ŭ lipieni 2026. Pavodle słoŭ ministra, dahavor nie budzie praciahnuty. Ułady Małdovy ličać Ruski dom instrumientam hibrydnaha ŭpłyvu Kramla. Pry hetym padkreślivajecca, što ŭ Rasii małdaŭskaha kulturnaha centru niama.
Pres-sakratar prezidenta Rasii Dźmitryj Piaskoŭ nazvaŭ toje, što adbyvajecca, «čarhovym prajaŭleńniem antahanizmu da Rasii» i skazaŭ, što ŭłady Małdovy pravodziać «liniju na admaŭleńnie ŭsiaho, što źviazana z našaj krainaj».
U «Rassupracoŭnictvie» zajavili, što pakul «Ruski dom» pracuje ŭ płanavym režymie. Na jaho sajcie pieraličanyja ŭ jakaści jaho zadač prasoŭvańnie ruskaj kultury, rasijskaj adukacyi i navuki, padtrymka suajčyńnikaŭ, umacavańnie pazicyj ruskaj movy, zachavańnie histaryčna-miemaryjalnaj spadčyny, hramadskaja dypłamatyja i moładzievyja abmieny. Raniej ułady Małdovy abvinavačvali Rasiju ŭ sprobach umiašańnia ŭ vybary ŭ krainie i ŭ cełym u imknieńni destabilizavać situacyju ŭ Małdovie.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks6
Kamientary