Parolem ad kamier videanazirańnia ŭ abrabavanym Łuŭry było słova «Łuŭr»
Francuzskija ŚMI paviedamili niečakanyja padrabiaznaści hučnaha rabavańnia Łuŭra, jakoje adbyłosia 18 kastryčnika. Siarod biełaha dnia z muzieja vynieśli karaleŭskija kaštoŭnaści na sumu kala 88 miljonaŭ jeŭra. Adnym z faktaraŭ, jaki dapamoh złačyncam, akazaŭsia zusim słaby ŭzrovień biaśpieki: tak, parol da sistemy videanazirańnia byŭ prosta Louvre («Łuŭr»).
Jak piša vydańnie Libération, jašče dziesiać hadoŭ tamu ekśpierty pa kibierbiaśpiecy krytykavali stan, u jakim znachodziacca adpaviednyja sistemy muzieja. U 2014 hodzie śpiecyjalisty ź dziaržaŭnaha ahienctva ANSSI padčas pravierki lohka zmahli atrymać dostup da ŭnutranaj sietki Łuŭra, kiravać kamierami i navat źmianiać uzroŭni dostupu supracoŭnikaŭ. Mienavita tady vyśvietliłasia, što parolem da sistem videanazirańnia było słova Louvre («Łuŭr»).
Niahledziačy na papiaredžańni, istotnych źmienaŭ u hetym płanie nie adbyłosia. U 2015 hodzie praviali jašče adzin aŭdyt, jaki znoŭ zaśviedčyŭ surjoznyja prablemy: kiepska kantralavany patok naviedvalnikaŭ, adkrytyja dachi praz ramont, sastarełaje abstalavańnie i sistemy, jakija davali zboi.
Asabliva dziŭna, što navat u 2025 hodzie muziej karystaŭsia prahramnym zabieśpiačeńniem 2003 hoda, jakoje ŭžo daŭno nie abnaŭlajecca, a sierviery pracavali na staroj sistemie Windows Server 2003.
Samo rabavańnie adbyłosia ranicaj 19 kastryčnika. Złačyncy vynieśli dzieviać kaštoŭnych pradmietaŭ z kalekcyi Napaleona i francuzskich manarchaŭ — usiaho na 88 miljonaŭ jeŭra.
Palicyja zatrymała čatyroch padazravanych — troch mužčyn i žančynu z pryharada Sien-Deni. Dvoje ź ich užo mieli sudzimaści za kradziažy. Pa słovach prakurora Paryža Łor Bieko, heta nie bujnaja arhanizavanaja hrupa, a chutčej drobnyja, ale daśviedčanyja złačyncy. Adnaho ź ich zatrymali ŭ aeraporcie, kali jon sprabavaŭ uciačy ŭ Ałžyr.
«Drobnyja zładziužki». Rabavańnie Łuŭra ździejśnili žychary biednaha pryharada Paryža
U Francyi zatrymali treciaha padazravanaha ŭ rabavańni Łuŭra
U arhanizacyi rabavańnia Łuŭra padazrajuć rasijanina, źviazanaha sa śpiecsłužbami
Prakurorka Paryža raskrytykavała ŭciečku infarmacyi nakont zatrymańnia padazravanych, što abrabavali Łuŭr
Paśla vykradańnia kaštoŭnaściej z Łuŭra, jaho skarby schavali ŭ padziemnym schoviščy Banka Francyi
«Łuŭr abrabavali siarod biełaha dnia. A mianie ŭ Biełarusi krama vyličyła za 7 chvilin pa bonusnaj kartcy»
Kamientary