Šmatdzietnaha baćku aryštavali na 5 sutak za raspaŭsiud «ekstremisckich» materyjałaŭ
Sudździa Šarkaŭščynskaha rajona Aksana Taboła 19 lipienia za raspaŭsiud «ekstremisckich» materyjałaŭ pakarała aryštam na piać sutak miascovaha žychara i šmatdzietnaha baćku Uładzimira Rynkieviča.
U sudzie było ŭstanoŭlena, što Uładzimir raźmiaščaŭ, zachoŭvaŭ i doŭhi čas raspaŭsiudžvaŭ u sacyjalnaj sietcy «Adnakłaśniki» infarmacyju internet-supolnaściaŭ «Stop Luka» i «Biełsat», jakija byli ŭniesienyja ŭ respublikanski śpis ekstremisckich materyjałaŭ.
Pry vyniasieńni pakarańnia sudździa Taboła pryniała ŭ raźlik, što «pravaparušalnik» ščyra raskajaŭsia, a taksama toje, što jon maje na ŭtrymańni małaletnich dziaciej, piša «Viciebskaja viasna».
Kamientary