Vypadak u Lizie čempijonaŭ. Syn zabiŭ kamandzie baćki try hały i vybiŭ jaho z turniru
Heta historyja pačałasia jašče ŭ 2017 hodzie, kali isłandziec Oŭskar Torvaldsan treniravaŭ miascovy kłub «Hrota». Za hety kłub hulaŭ jaho syn Oŭry.
Potym Oŭry syšoŭ u dacki «Kapienhahien», a baćka ŭznačaliŭ «Brejdablik», jaki letaś pryvioŭ da čempijonstva.
«Kapienhahien» u minułym siezonie taksama ŭziaŭ załatyja miedali.
I treba było takomu zdarycca: losavańnie źviało kamandy ŭ 2-m kvalifikacyjnym raŭndzie Lihi čempijonaŭ.
U pieršym matčy «Kapienhahien» vyjhraŭ u haściach 2:0, a doma abyhraŭ ź likam 6:3. Pryčym Oŭry zrabiŭ chiet-tryk i jašče ŭ jaho byŭ halavy pas.
«Kapienhahien» kročyć u nastupny raŭnd kvalifikacyi Lihi čempijonaŭ, dzie sustreniecca z pražskaj «Spartaj», a «Brejdablik» zhulaje ŭ kvalifikacyi Lihi Jeŭropy z baśnijskim «Zryńskim», dzie pačynaŭ słavuty ŭ budučyni Łuka Modryč.
I jašče cikavy fakt. Dahetul ni razu nivodny isłandski ci baśnijski kłub nie dabiralisia da hrupavoha turniru jeŭrakubkaŭ. Pieramoha ŭ hetym raŭndzie harantuje abo «Brejdabliku», abo «Zryński», jak minimum, hrupavy raŭnd Lihi kanfierencyj.
Ciapier čytajuć
Kab nie trapić na Akreścina, minčuk źbieh žyć u les — voś jaho historyja5
Kamientary