«Siońnia my adčuvajem siabie jak Zachodni Bierlin u časy chałodnaj vajny». Litva zaklikała Niamieččynu paśpiašacca z raźmiaščeńniem čatyroch tysiač sałdat
Litva zaklikała ŭrad Niamieččyny paśpiašacca z abiacanym raźmiaščeńniem čatyroch tysiač sałdat bundeśviera na ŭschodnim fłanhu NATO. Pra heta zajaviŭ namieśnik ministra zamiežnych spraŭ Litvy Jonas Surviła ŭ intervju haziecie Welt am Sonntag, piša Reform.by sa spasyłkaj na n-tv.
«Ciapier my pavinny zasiarodzicca na ŭzhadnieńni ambicyjnaha i chutkaha hrafika poŭnaha razhortvańnia, — zajaviŭ jon. — Litva hatovaja zrabić značnyja inviestycyi ŭ infrastrukturu, nieabchodnuju dla raźmiaščeńnia niamieckich vojskaŭ».
Palityk pravioŭ paraŭnańnie z chałodnaj vajnoj.
«Siońnia my adčuvajem siabie jak Zachodni Bierlin u časy chałodnaj vajny, akružany ahresiŭnymi susiedziami jak z zachadu — Kalininhrad, Rasija, tak i z uschodu — Biełaruś, — skazaŭ Surviła. — U toj čas adnym sa sposabaŭ zabieśpiačeńnia biaśpieki Zachodniaha Bierlina byŭ raźmieščany ŭ horadzie harnizon pamieram z bryhadu armii ZŠA — Bierlinskaja bryhada. Siońnia my prosim niemcaŭ, jak simvalična, tak i praktyčna, unieści svoj układ u harantavańnie biaśpieki, raźmiaściŭšy na pastajannaj asnovie ŭ Litvie bajazdolnuju niamieckuju bryhadu».
U kancy červienia ŭrad Niamieččyny paabiacaŭ raźmiaścić u Litvie bryhadu kolkaściu čatyry tysiačy sałdat dla abarony ŭschodniaha fłanha NATO.
U Daŭhaŭpiłsie, blizu biełaruskaj miažy, pačynajucca vajskovyja vučeńni. Budzie šumna, ale žycharoŭ prosiać nie turbavacca
Polšča ŭzmocnić miažu ź Biełaruśsiu 10 tysiačami vajskoŭcami
Premjer Litvy zajaviła pra miechanizm zakryćcia miažy ź Biełaruśsiu
Łatvija ŭvodzić na biełaruskaj miažy ŭzmocnieny režym
Častka vahnieraŭcaŭ raźmiaściłasia niepadalok ad miažy ź Litvoj — Naŭsieda
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary