U Daŭhaŭpiłsie, blizu biełaruskaj miažy, pačynajucca vajskovyja vučeńni. Budzie šumna, ale žycharoŭ prosiać nie turbavacca
Z 12 pa 19 žniŭnia ŭ łatvijskim Daŭhaŭpiłsie (Dźvinsku) projduć vajskovyja vučeńni Zemesardze (Nacyjanalnaj hvardyi) z metaj navučańnia i pravierki bajavych navykaŭ padraździaleńniaŭ. Vučeńni prachodziać u ramkach padrychtoŭki da vosieńskich kompleksnych vučeńniaŭ pa nacyjanalnaj abaronie Namejs 2023.
Vajskovyja vučeńni Zemesardze projduć u rajonach, uzhodnienych z kiraŭnictvam Daŭhaŭpiłsa, piša Delfi.lv.
Padčas vučeńniaŭ uzbrojenyja sałdaty i zemesarhi buduć pierasoŭvacca pa administracyjnaj terytoryi Daŭhaŭpiłsa, taksama moža być vykarystany i vajskovy transpart.
Z 12 pa 13 žniŭnia ŭ śvietły čas sutak, a z 14 pa 19 žniŭnia jak u śvietły, tak i ŭ ciomny čas sutak buduć prymianiacca navučalnyja bojeprypasy i inšyja srodki imitacyi boju. U pres-centry Zemesardze adznačyli, što moža być šumna, adnak bojeprypasy nie ŭjaŭlajuć pahrozy dla žyćcia i zdaroŭja ludziej.
«My zaklikajem hramadzian nie turbavacca, kali jany ŭbačać vajskovy transpart, zemesarhaŭ i vajskoŭcaŭ, jakija pierasoŭvajucca z metaj navučańnia, a taksama zaklikajem žycharoŭ z razumieńniem stavicca da dziejnaści Zemesardze, jakaja nakiravanaja na ŭmacavańnie nacyjanalnaj i kalektyŭnaj biaśpieki NATO», — adznačyli arhanizatary vučeńniaŭ.
Čytać taksama:
Łatvija ŭvodzić na biełaruskaj miažy ŭzmocnieny režym
Premjer Litvy zajaviła pra miechanizm zakryćcia miažy ź Biełaruśsiu
Polšča ŭzmocnić miažu ź Biełaruśsiu 10 tysiačami vajskoŭcami
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary
horad majho naradžeńnia. dobra, što NN piša biełaruskuju nazvu