BELPOL daŭ spravazdaču, što jaho kamanda paśpiachova prajšła palihraf
Kamanda BELPOL, jakaja adździaliłasia ad kamandy Alaksandra Azarava, paśpiachova prajšła pravierku na palihrafie, paviedamiŭ kanał arhanizacyi.
«Jak my i abiacali raniej, usia našaja apieratyŭnaja kamanda prajšła čarhovuju pravierku na palihrafie. Dla bolšaści supracoŭnikaŭ — heta pravierka ŭžo treciaja», — havorycca ŭ paście.
Pavodle zajavy, pa vynikach pravierki nie vyjaŭlenyja asoby, jakija supracoŭničali b ź biełaruskimi ŭładami, albo ździejśnili dyskredytujučyja ŭčynki.
«Taksama chočam padkreślić, što palihrafałahičnaje abśledavańnie pradstaŭnikoŭ BELPOL praviedziena niezaležnym śpiecyjalistam, lehalizavanym u krainie znachodžańnia, z vydačaj nie tolki piśmovaha zaklučeńnia, jakoje źmiaščaje vysnovy ab vynikach pravierki, ale i hrafikaŭ źniaćcia psicha-fizijałahičnych reakcyj, jakija nazvanyja vysnovy paćviardžajuć», — napisali ŭ BELPOL.
Uletku hetaha hoda ŭ abjadnańni siłavikoŭ BYPOL adbyŭsia raskoł. Arhanizacyja padzialiłasia. Jurydyčnaja nazva BYPOL i płan «Pieramoha» zastalisia za fondam Alaksandra Azarava, a nie zhodnyja ź imi aktyvisty stali zvacca BELPOL. Adnym z arhumientaŭ Azarava ŭ kanflikcie było toje, što častka kamandy admaŭlajecca prajści pravierku na palihrafie. Potym pryčynaj kanfliktu nazyvali finansavyja prablemy — nibyta praz dačynieńnie BYPOL da dyviersii ŭ Mačuliščach arhanizacyju pazbavili finansavańnia.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii9
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu13
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary