Padsumoŭvajučy vyniki kanfierencyi «Novaja Biełaruś 2023», kiraŭnica Abjadnanaha pierachodnaha kabinieta Śviatłana Cichanoŭskaja abviaściła pra pryniaćcie joj šerahu kadravych rašeńniaŭ.
Samaje hučnaje z hetych rašeńniaŭ, choć i čakanaje — adstaŭka Alaksandra Azarava z pasady pradstaŭnika Kabinieta pa adnaŭleńni zakonnaści i pravaparadku.
«Ja pryniała rašeńnie vyzvalić Alaksandra Azarava ad pasady pradstaŭnika Kabinieta. Razam z tym ja b chacieła, kab Alaksandr Azaraŭ praciahnuŭ pracu pry Kabiniecie pa płanie «Pieramoha» — i kaardynavaŭ supracoŭnictva ź biełaruskim padpollem.
Takim čynam, pazicyja pradstaŭnika pa adnaŭleńni zakonnaści i pravaparadku stanovicca vakantnaj — i my budziem šukać adpaviednuju kandydaturu», — zajaviła Cichanoŭskaja.
Akramia taho, jana paviedamiła pra dva pryznačeńni ŭ svajoj kamandzie.
Marharyta Vorychava stanovicca daradcaj pa moładzievaj palitycy i studenctvie.
Vorychava — kiraŭnica arhanizacyi «Rada», raniej jana pradstaŭlała Biełaruś u Kantaktnaj hrupie Rady Jeŭropy i ŭ Kansultatyŭnaj hrupie ŭ Jeŭrasajuzie.
Zaŭvažnaje apošnim časam pašyreńnie supracoŭnictva z Ukrainaj znajšło adbitak u pryznačeńni kiraŭnika Misii demakratyčnaj Biełarusi ŭ Kijevie.
Im staŭ Hienadź Mańko, jaki ciaham apošniaha hoda adkazvaŭ za naładžvańnie supracy APKB z Pałkom Kalinoŭskaha i zaviazaŭ va Ukrainie dobryja kantakty.
U najbližejšy čas taksama paabiacana pryznačeńnie kiraŭnika aparata Kabinieta i pradstaŭleńnie im ahulnaj stratehii.
Akramia taho, Cichanoŭskaja paviedamiła pra namier pravieści zimoj vybary ŭ Kaardynacyjnuju Radu, «kab jana stała sapraŭdnym pradstaŭničym orhanam biełarusaŭ, jaki maje aŭtarytet i pradstaŭlaje intaresy biełarusaŭ».
Čytajcie taksama:
Kavaleŭski raskazaŭ i pakazaŭ, što ź siabie budzie ŭjaŭlać biełaruski alternatyŭny pašpart
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud33
Kamientary