BELPOL даў справаздачу, што яго каманда паспяхова прайшла паліграф
Каманда BELPOL, якая аддзялілася ад каманды Аляксандра Азарава, паспяхова прайшла праверку на паліграфе, паведаміў канал арганізацыі.
«Як мы і абяцалі раней, уся нашая аператыўная каманда прайшла чарговую праверку на паліграфе. Для большасці супрацоўнікаў — гэта праверка ўжо трэцяя», — гаворыцца ў пасце.
Паводле заявы, па выніках праверкі не выяўленыя асобы, якія супрацоўнічалі б з беларускімі ўладамі, альбо здзейснілі дыскрэдытуючыя ўчынкі.
«Таксама хочам падкрэсліць, што паліграфалагічнае абследаванне прадстаўнікоў BELPOL праведзена незалежным спецыялістам, легалізаваным у краіне знаходжання, з выдачай не толькі пісьмовага заключэння, якое змяшчае высновы аб выніках праверкі, але і графікаў зняцця псіха-фізіялагічных рэакцый, якія названыя высновы пацвярджаюць», — напісалі ў BELPOL.
Улетку гэтага года ў абʼяднанні сілавікоў BYPOL адбыўся раскол. Арганізацыя падзялілася. Юрыдычная назва BYPOL і план «Перамога» засталіся за фондам Аляксандра Азарава, а не згодныя з імі актывісты сталі звацца BELPOL. Адным з аргументаў Азарава ў канфлікце было тое, што частка каманды адмаўляецца прайсці праверку на паліграфе. Потым прычынай канфлікту называлі фінансавыя праблемы — нібыта праз дачыненне BYPOL да дыверсіі ў Мачулішчах арганізацыю пазбавілі фінансавання.
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары