Jašče vosiem krain dałučylisia da novaha pakieta sankcyj ES u dačynieńni da režymu Łukašenki
Vosiem krain — partnioraŭ Jeŭrapiejskaha Sajuza dałučylisia da pryniataha 3 žniŭnia pakieta sankcyj u dačynieńni da režymu Alaksandra Łukašenki, havorycca na sajcie Rady Jeŭrasajuza.
Fota: Olivier Matthys / AP
Abmiežavalnyja miery padtrymali krainy sa statusam kandydata na ŭstupleńnie ŭ ES — Ałbanija, Bośnija i Hiercahavina, Paŭnočnaja Makiedonija, Ukraina i Čarnahoryja, a taksama dziaržavy Jeŭrapiejskaj asacyjacyi svabodnaha handlu (JEASH) — Isłandyja, Lichtenštejn i Narviehija.
Hetyja krainy abaviazvajucca zabiaśpiečyć adpaviednaść svajoj nacyjanalnaj palityki rašeńniu Rady ES ab uviadzieńni «abmiežavalnych mieraŭ u suviazi ź situacyjaj u Biełarusi i ŭdziełam Biełarusi ŭ rasijskaj ahresii suprać Ukrainy». «Jeŭrapiejski sajuz biare pad uvahu hety namier i vitaje jaho», — havorycca ŭ paviedamleńni.
17 žniŭnia da zhadanaha pakieta sankcyj dałučyłasia jašče adna dziaržava JEASH — Šviejcaryja.
ES pašyryŭ sankcyi suprać Biełarusi dla baraćby z abychodam abmiežavańniaŭ, jakija dziejničajuć suprać Rasii
Stali viadomyja try jurydyčnyja asoby ź Biełarusi i 38 fizičnych asob, jakija patrapili pad novyja sankcyi Jeŭrasajuza
Jeŭrasajuz zaćvierdziŭ sankcyi na ekspart vajskovych tavaraŭ u Biełaruś
Vialikabrytanija siońnia dadała šeść pazicyj u sankcyjny śpis suprać Biełarusi
ZŠA ŭviali novyja sankcyi suprać režymu Łukašenki
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary