U Niamieččynie napali na dziaciej, jakija razmaŭlali pa-ŭkrainsku. 10-hadovaha chłopčyka skinuli z mosta
Zdareńnie adbyłosia ŭ horadzie Ajnbiek u Nižniaj Saksonii: mužčyna napaŭ na hrupu dziaciej, bo jany razmaŭlali na ŭkrainskaj movie. Pa fakcie zamachu na zabojstva 10-hadovaha ŭkrainskaha chłopčyka pačałosia rasśledavańnie.
Napad adbyŭsia 26 žniŭnia kala 18:40 u horadzie Ajnbak, paviedamlaje «Ukrainskaja praŭda».
Pavodle vynikaŭ palicejskaha rasśledavańnia, niekalki ŭkrainskich dziaciej znachodzilisia ŭ rajonie mosta, kali nieviadomy mužčyna pačaŭ skardzicca, što dzieci razmaŭlajuć na ŭkrainskaj movie.
Jon zahadaŭ im razmaŭlać pa-rusku, a potym skazaŭ, što Ukraina pačała vajnu. Na jakoj movie pramaŭlaŭ mužčyna, nie ŭdakładniena.
Pavodle paviedamleńnia prakuratury, mužčyna nibyta paciahnuŭ dziaŭčynku za vałasy, a zatym schapiŭ 10-hadovaha chłopčyka i pierakinuŭ jaho praz parenčy ŭ kanał.
Chłopčyk udaryŭsia ab žaleznyja belki, prymacavanyja da mosta. Jon atrymaŭ traŭmy hałavy i levaj nahi.
Kali chłopčyk lažaŭ u kanale, nieviadomy złamyśnik nibyta kinuŭ u jaho plašku, jakaja trapiła ŭ pravaje plačo. Paśla hetaha nieviadomy ŭciok.
Mužčyna, jakomu prykładna 40-45 hadoŭ, byŭ apranuty ŭ siniuju futbołku, čornuju kiepku i džynsavyja šorty, jaho šukajuć.
Hienprakuror ličyć napad palityčna matyvavanym. Jon taksama adznačaje, što napadnik razmaŭlaŭ pa-rusku.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary