Na italjanskaj Sicylii biełarus pabiŭsia z palicyjantami na čyhuncy
Na vostravie Sicylija ŭ Italii zatrymali 23-hadovaha biełarusa, jaki spačatku zatrymlivaŭ adychod ciahnika, a zatym admoviŭsia jaho pakidać i akazaŭ supraciŭ čyhunačnikam i vartavym paradku. Pra heta paviedamlaje sajt «Biełaruś i śviet» na padstavie infarmacyi miascovaj palicyi.
Naš suajčyńnik, vypraŭlajučysia ŭ darohu na stancyi ŭ horadzie Katanija, spačatku pieraškadžaŭ adpraŭleńniu ciahnika, staŭšy pamiž dźviaryma, kab dačakacca prybyćcia inšaha pasažyra. Hetym jon zatrymaŭ sastaŭ prykładna na 17 chvilin, a suniali jaho tolki miascovyja pravaachoŭniki.
Paźniej, pryjechaŭšy na kancavuju stancyju ŭ horadzie Miesina, mužčyna ź niezrazumiełych pryčyn admoviŭsia vychodzić z vahona, niahledziačy na ŭhavory členaŭ ciahnikovaj bryhady. Siarod inšaha jon nie zhadžaŭsia paviedamlać svaje asabistyja źviestki, pahražaŭ i mocna ŭdaryŭ pa ruce načalnika ciahnika.
Palicejski patrul, prybyŭšy na miesca, ustanaviŭ asobu pasažyra, choć toj i ŭ takich abstavinach nie chacieŭ nazvacca, praciahvajučy pavodzić siabie ahresiŭna. Zatym biełarusa zatrymali: heta było ciažka, bo ŭ pracesie čaćviora pravaachoŭnikaŭ atrymali traŭmy.
Pry pieratrusie ŭ mužčyny znajšli amal try hramy marychuany. Sudovyja orhany pakul užyli ŭ dačynieńni da jaho mieru abaviazkovaj štodzionnaj jaŭki ŭ palicejski pastarunak.
Ciapier čytajuć
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary
Moh by va Ukrainie dapamahać biełarusam raskidyvać maskavitaŭ, a tut enierhija nie tudy, spadziejusia što jen budzie razumniejšym.
https://dck8xvlq18iei.cloudfront.net/325473"