U Bavaryi fokusam ź biełaruskimi rublami chacieli raźvieści palicejskaha. Ale toj akazaŭsia padkavanym
Vartavy paradku byŭ znajomy z takoj schiemaj machlarstva i viedaŭ, što banknoty amal ničoha nie kaštujuć.
U niamieckaj ziamli Bavaryja dvoje žycharoŭ Uschodniaj Jeŭropy vybrali niapravilnuju «achviaru», kab prakrucić viadomy fokus z abmienam biełaruskich banknot staroha ŭzoru, piša sajt «Biełaruś i śviet» sa spasyłkaj na vydańnie neumarktonline.de.
Incydent adbyŭsia ŭ minułuju niadzielu na terytoryi hramady Łaŭterchofien u akruzie Vierchni Pfalc.
Dvoje ŭschodniejeŭrapiejcaŭ va ŭzroście 48 i 50 hadoŭ znakami spynili aŭtamabil i paprasili kiroŭcu abmianiać im kupiury na amal 190 jeŭra. Patłumačyli jany takuju nieabchodnaść tym, što terminova treba zapravić mašynu haručym, a ŭ ich z saboj, na žal, tolki biełaruskaja valuta.
Adnak kiroŭcam akazaŭsia palicejski, jaki jechaŭ u niepracoŭny čas u cyvilnym pa svaich spravach. Vartavy paradku byŭ znajomy z takoj schiemaj machlarstva i viedaŭ, što banknoty amal ničoha nie kaštujuć. Sproba padmanu tamu nie adbyłasia, a hrošy kanfiskavali.
U Niamieččynie ašukancy časta vykarystoŭvajuć biełaruskija rubli, vyviedzienyja z abaračeńnia ŭ vyniku denaminacyi 2016 hoda, dla abmienu na bujnyja sumy jeŭra. Zvyčajna adbyvajecca heta na druharadnych trasach, i pravaparušalniki robiać vyhlad, što trapili ŭ biazvychadnuju situacyju.
Pryčym kupiury staroha ŭzoru vydajucca za bałharskija levy.
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava8
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary