«Vot i les, i opuška, a za niej dierievuška…» Repier Siaroha napisaŭ pieśniu pra spalenuju viosku
Śpiavak Siarhiej Parchomienka, viadomy taksama jak repier Siaroha, napisaŭ pieśniu pra spalenuju niamieckimi nacystami padčas Druhoj suśvietnaj vajny viosku Ała ŭ Śvietłahorskim rajonie, paviedamlaje BiełTA.
Vioska Ała była spalenaja razam ź ludźmi 14 studzienia 1944 hoda. Tut było zahublena 1758 žyćciaŭ, uklučajučy 950 dziaciej. U 2024-m spoŭnicca 80 hadoŭ z dnia hetaj trahiedyi, i da hetaj daty śpiavak Siaroha, jaki paśla 2020 hoda staŭ na pazicyi vyraznaj i ŭsiebakovaj padtrymki režymu Łukašenki, napisaŭ admysłovuju pieśniu.
Prytym jon sam nie chavaje taho, što jahonaja pieśnia źjaviłasia nie tak sabie, a ŭ pracesie ideałahičnaha zmahańnia, bo, maŭlaŭ, «siońnia z dapamohaj instrumientaŭ prapahandy z boku inšych dziaržaŭ sprabujuć pieraprahramavać śviadomaść ludziej», i jahonaja pieśnia — «adna z formaŭ abarony histaryčnaj praŭdy».
«Kab u śviadomaść urezaŭsia niejki vobraz, jaki budzie lačyć čałavieka, jaki budzie ćvierazić čałavieka, jaki budzie nakiroŭvać čałavieka, patrebna niejkaja kulturnaja forma. Film, vierš, pieśnia», — padkreśliŭ Parchomienka.
Kampazicyja, jak miarkujecca, budzie vykanana ŭ solnym i charavym varyjantach, a vykonvać jaje buduć dzieci.
«Vot i les, i opuška, a za niej dierievuška… słyšny kriki i stony ludiej…», — cytujucca radki z hetaj pieśni.
Ekspłuatacyja temy Druhoj suśvietnaj vajny zaŭsiody była charakternaja dla režymu Łukašenki, a ŭ apošnija try hady jana ŭvohule stała ideałahičnym mejnstrymam. Pastajanna kryvadušna nahadvajučy pra straty taho času i zamoŭčvajučy niazručnyja dla siabie aśpiekty, a niaredka idučy i na pramyja skažeńni dy falsifikacyi, łukašysckija ideołahi pravodziać zusim nie adpaviednyja rečaisnaści paraleli z sučasnaściu.
Praz heta jany imknucca demanizavać jak sučasny zachodni śviet, tak i ŭnutranuju nacyjanalnuju apazicyju, jakuju chłuśliva i biespadstaŭna pradstaŭlajuć jak pradaŭžalnikaŭ tradycyj niamieckaha nacyzmu. Adnačasova tym samym jak u svaich vačach, tak i ŭ vačach śvietu łukašysty imknucca apraŭdać svaju ŭłasnuju siońniašniuju biesčałaviečnaść i złačynnaść. Novy tvor Siarhieja Parchomienki całkam układajecca ŭ ahulnuju ideałahičnuju kanvu prychilnikaŭ režymu.
Biełarusy, jakija stali zorkami ŭ Rasii: što ź imi stała za čas poŭnamaštabnaj vajny?
«Heta adna z samych svabodnych terytoryj i adna z samych spraviadlivych». Śpiavak Siaroha raskazaŭ, čamu viarnuŭsia ŭ Biełaruś
Repier Siaroha naviedaŭ Minskaje suvoraŭskaje vučylišča i pachvaliŭ SSSR
Saša i Siaroha: čamu repier Parchomienka fanacieje ad Łukašenki? VIDEA
Repier Siaroha nazvaŭ Stalina «vialikim humanistam»
Repier Siaroha: Łukašenka — zachavalnik bałansu. U Biełarusi — čysta, spakojna, panuje mir, tam šmat ludziej sa ščaślivymi tvarami
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary