Repier Siaroha naviedaŭ Minskaje suvoraŭskaje vučylišča i pachvaliŭ SSSR
Śpiavak Siarhiej Parchomienka, bolš viadomy pad psieŭdanimami Siaroha i Palihraf ŠarykOFF) naviedaŭ Minskaje suvoraŭskaje vajskovaje vučylišča, paviedamiła pres-słužba Minabarony.
Administracyja navučalnaj ustanovy praviała dla Siarohi ekskursiju, «paznajomiła z historyjaj i tradycyjami Minskaha SVU, umovami pražyvańnia suvoraŭcaŭ».
«Śpiavak raskazaŭ, što ŭ dziacinstvie chacieŭ stać suvoraŭcam, ale mary nie nakanavana było spraŭdzicca. Jon adznačyŭ, što vučylišča zajmaje asablivaje miesca siarod navučalnych ustanoŭ našaj krainy, źjaŭlajučysia škołaj vajskova-patryjatyčnaha, duchoŭna-maralnaha vychavańnia, a suvoraŭcy — prykład abaviazku i honaru, vysakarodnaści i prystojnaści. Mienavita ŭ ścienach Minskaha SVU vychoŭvajuć sapraŭdnych patryjotaŭ Biełarusi», — paviedamiła pres-słužba Minabarony.
U kamientary VajenTB śpiavak pryznaŭsia, što zastaŭsia ekskursijaj zadavoleny:
«Za adukacyju treba zmahacca, i ja pryjšoŭ siudy ŭ tym liku dla taho, kab pierakanacca, što tut za rozumy, sercy i dušy dziaciej zmahajucca. Tut asnova — heta savieckija tradycyi. Heta tradycyja savieckaj adukacyi. Voś heta klučavoje. Tut chłopcy atrymlivajuć siaredniuju školnuju adukacyju i pry hetym rychtujucca abaraniać toje, što jość ich kaštoŭnaści», — adznačyŭ jon.
Śpiavak Siaroha staŭ viadomy nie tolki ŭ Biełarusi, ale i na ŭsioj postsavieckaj prastory ŭ pačatku nulavych. Jon vykonvaŭ takija tahačasnyja chity, jak «Čorny bumier», «Kala doma tvajho», «King Ring». U 2010-ja atrymaŭ dazvoł na žycharstva va Ukrainie, dzie doŭha žyŭ i pracavaŭ. Ale paśla pačatku pratestaŭ u Biełarusi staŭ na bok režymu Łukašenki, časta adznačaŭsia prałukašenkaŭskimi vykazvańniami i braŭ udzieł u praŭładnych mierapryjemstvach.
Čytajcie taksama:
Saša i Siaroha: čamu repier Parchomienka fanacieje ad Łukašenki? VIDEA
Repier Siaroha nazvaŭ Stalina «vialikim humanistam»
Repier Siaroha: Łukašenka — zachavalnik bałansu. U Biełarusi — čysta, spakojna, panuje mir, tam šmat ludziej sa ščaślivymi tvarami
Ciapier čytajuć
Pastupova vyjšli na volu aryštavanyja pa «Spravie kniharoŭ». Akramia adnaho5
Pastupova vyjšli na volu aryštavanyja pa «Spravie kniharoŭ». Akramia adnaho
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary
Morhienštierna znaju
Oksiumiona znaju
Krida znaju
a eto kto??
i počiemu o niem nado pisať, čto on kuda-to tam sjezdił?