Z płoščy kala minskaj Kamaroŭki źnikli «Dama z sabačkam» i jašče adna skulptura. Što ź imi stałasia?
Ranicaj 26 vieraśnia minčuki nie pabačyli na płoščy pierad Kamaroŭskim rynkam viadomych skulptur. Pra heta paviedamiła ahienctva «Minsk-Naviny», jakoje adnačasova vyśvietliła ŭ hałoŭnaha inžyniera rynku Valeryja Fiedarcova, kudy jany źnikli.
«U ramkach rabot pa ŭparadkavańni terytoryi było praviedziena abśledavańnie macavańniaŭ skulpturnych kampazicyj «Dama z sabačkam», «Koń i vierabiej», «Fatohraf». Pa vynikach zaklučeńnia było vyrašana demantavać skulptury «Dama z sabačkam» i «Koń i vierabiej» dla nastupnaha ramontu», — patłumačyŭ Fiedarcoŭ.
Paviedamlajecca, što «pad upłyvam umoŭ nadvorja i času pomniki padviarhajucca ŭździejańniu razburalnych faktaraŭ, tamu ich svoječasovaja restaŭracyja — nieabchodnaja miera. Paśla restaŭracyi bronzavyja fihury buduć viernutyja na svaje raniejšyja miescy».
Miarkujecca, što heta adbudziecca da siaredziny kastryčnika.
Kamientary