Supracoŭniki Kramianiovaj daliny śpiać u kapsułach. Čamu jany tak robiać i kolki heta kaštuje
Darahoŭla žylla i nizki ŭzrovień biaśpieki ŭ San-Francyska prymušajuć IT-śpiecyjalistaŭ spać u chostele kapsulnaha typu.
Jak paviedamlaje vydańnie Businessinsider.com, zasnavalniki startapaŭ i IT-śpiecyjalisty Kramianiovaj daliny płaciać ad 700 da 900 dalaraŭ u miesiac za raźmiaščeńnie ŭ nievialikich kapsułach vyšynioj 1,2 mietra. U toj ža čas arenda kvatery-studyi tam kaštuje 2200 dalaraŭ.
Jak zajaŭlena na veb-sajcie kampanii-raspracoŭščyka kapsuł Brownstone, «asobnyja łožki zajmajuć na 40 adsotkaŭ bolš miesca, čym zvyčajnyja dvuchjarusnyja łožki, i abstalavanyja indyvidualnym aśviatleńniem, štorkami, vientylatarami z rehulavanaj tempieraturaj i inšymi nieabchodnymi pryładami».
Adzin z žycharoŭ novaj prastory — Kryścijan Ljuis (Christian Lewis) — zasnavalnik kampanii Spellcraft, jakaja zajmajecca štučnym intelektam, pryznaŭsia, što ŭ maleńkich kapsułach «dušnavata». Ale jon moža atrymać asałodu ad spakojnaha vaśmihadzinnaha snu.
Jak śćviardžajuć vytvorcy, u San-Francyska jany atrymlivajuć šmat zapytaŭ na raźmiaščeńnie ŭ kapsułach z boku ludziej, jakija pracujuć u śfiery IT.
Kamientary