Na «Zubr-feście» ŭ Biełaviežskaj puščy błohieraŭ i artystaŭ adkormlivali zubracinaj
A vystupali rasijskija śpiavački Lusia Čabocina i Jeva Polna.
«Zubr-fest» prachodziŭ 25‑26 vieraśnia ŭ Biełaviežskaj puščy. Adzin z błohieraŭ, jaki tam pabyvaŭ, pachvaliŭsia, što ich ščodra častavali zubracinaj.
«Ja kryšačku zasmučany, što jem zubra, ale smačna», — prakamientavaŭ u adnym sa svaich rolikaŭ błohier Pał Vanyč.
Zubrfiest 2026 Fiestival aktivnoho siemiejnoho otdycha Biełoviežskaja puŝa pałvanyč kobrin briest minsk novosti
Na dehustacyjnaj talercy ŭ kadry bačna, što, akramia miasa zubra, błohieram padavali kaŭbasu ź dzikoŭ, aleninu i kačku.
U kamientarach mnohija biełarusy nie acanili dehustacyju zubra ŭ zapaviedniku i tym bolš na fiestyvali, jaki pazicyjanuje siabie jak ekałahičny i nazvany ŭ honar adnaho z hałoŭnych simvałaŭ Biełarusi.
«Zubr ža ŭ Čyrvonaj knizie», — aburajucca ŭ kamientarach. Na siońnia zubr u Biełarusi źjaŭlajecca padachoŭnym vidam i maje Ⅲ katehoryju Čyrvonaj knihi, vid ličycca adnoŭlenym i jakomu ciapier nie pahražaje vymirańnie.
Dadatkova ludzi krytykavali saluty ŭ puščy i sam vybar łakacyi dla fiestyvalu, jaki tak ci inakš parušaje spakoj dla dzikich žyvioł i ptušak.
«Heta ž zapaviednik! Uvieś sens hetaha miesca — u jaho cišyni i pryrodnaj čyścini»,
«Niaŭžo nie znajšłosia inšych placovak, navošta rabić śvietła-muzyčnaje šou ŭ lesie?!» — zadavalisia pytańniami biełarusy, kali arhanizatary tolki anansavali prahramu.
Artystami na «Zubr-feście» stali, z bolšaha, hości z Rasii: repier Antocha MS, śpiavačka Lusia Čabocina, rasijskaja hrupa PIZZA, a taksama chedłajniery — Jeva Polna i Ihar Mikałajeŭ. Biełarusaŭ na scenie pradstaŭlaŭ hurt «Drazdy» i Hierman Citoŭ razam z maładymi vykanaŭcami Naściaj Kraŭčanka i Mikitam Bialko.
Staršynia Bresckaha abłvykankama Piotr Parchomčyk užo paabiacaŭ, što ŭ nastupnym hodzie «Zubr-fest» stanie «jašče bolš maštabnym».
Kamientary