«Niervy słužbovych asob nie humovyja». Častka praŭładnych błohieraŭ nie ŭchvalaje pastajannyja danosy
Niekatoryja łukašysckija błohiery ličać spamam ataki asobnych skaržnikaŭ z nahody vydumanych ŁHBT-zmovaŭ i dyletanckich traktovak historyi.
Ananimny praŭładny telehram-kanał «Hrafač» z nahody sustrečy Łukašenki z «sienatarami» i abmierkavańnia padčas jaje temy pracy z nasielnictvam źviarnuŭ uvahu, što «ŭłada pracuje ź ludźmi, vyrašajučy realnyja aktualnyja prablemy», jakija majuć u svajoj bolšaści «bytavy, a nie palityzavany charaktar».
«Hrafač» adznačyŭ, što ličyć «vielmi škodnymi sproby arhanizacyi štučnych psieŭdamasavych skarhaŭ i spamu ŭ adras čynoŭnikaŭ z nahody vydumanych ŁHBT— zmoŭ, dyletanckich traktovak historyi, asabistaj niepryjaznaści da błohieraŭ, brendaŭ i h.d.»
Bo taki «spam skaržnikaŭ», na dumku praŭładnaha kanała, pieraškadžaje prostym ludziam vyrašać svaje prablemy padčas pryjomaŭ u čynoŭnikaŭ, telefonnych linij ź imi. Da taho ž i niervy ŭ słužbovych asob «nie humovyja».
Takaja źjava, ličyć «Hrafač», moža ź niepalityzavanaj stać palityzavanaj. «A heta zaŭsiody niebiaśpiečna».
Jaho dopisam padzialiŭsia prapahandyst ANT Ihar Tur.
Mierkavańnie padtrymała i Śviatłana Varanica z hrodzienskaj «Biełaj Rusi», jakaja niadaŭna adznačyłasia krytykaj u adras prapahandysta Ryhora Azaronka. Varanica śćviardžaje, što ŭ Biełarusi zjaviłasia svaja kultura ŭ sistemie zvarotaŭ. «I ŭsio b dobra, ale tam, dzie kultura, stała zjaŭlacca i bieskulturje. I tut što spam CVK i Hienprakuratury ŭ 2020-m, što zakliki da spamu ŭ 2023-m, na moj pohlad, z taho siehmienta, što mnie bačny, — sutnaść adna: drobny šantaž i sproba cisku. Nibyta za ŭsio dobraje suprać usiaho drennaha. Niaŭžo?!»
Čytajcie jašče:
Mastačcy Žyhimont prymroilisia «satanizm» i «chachlacki tryzub» u zusim niečakanym miescy
Chto takija vambaty? Jak łukašystaŭ padzialiła na dva łahiery adno pytańnie
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES28
Kamientary