Mastačcy Žyhimont prymroilisia «satanizm» i «chachlacki tryzub» u zusim niečakanym miescy
Mastačka Śviatłana Žyhimont, viadomaja fanatyčnaj addanaściu režymu Łukašenki i siabroŭstvam ź infakazačkaj Volhaj Bondaravaj, schilnaja, hetak ža sama jak i siabroŭka, bačyć «kramołu» ŭ samych niečakanych miescach i ŭ samych, zdavałasia b, biaskryŭdnych situacyjach. Hetym razam jana raptam apałčyłasia na rekłamu teleradyjokampanii «Mir», bahataj fantazijaj namalavaŭšy ŭ joj prapahandu satanizmu i «chachlackaha tryzuba».
Malunak, na jaki adreahavała Žyhimont. Karcinka ź videa dla muzyčnaha prajekta teleradyjokampanii «Mir».
Svaimi nazirańniami žančyna padzialiłasia ŭ piersanalnym telehram-kanale, zaŭvažyŭ Reform.by.
«Achrenieć! Adzin kamientatar u Krolika, pahladzieŭšy na rekłamu teleradyjokampanii «Mir», napisaŭ taki kamientar: «A naohuł, uvieś demanstravany joju vobraz: malavanyja raspaściortyja kryły, skryžavanyja ŭnizie nohi, ruki, vystaŭlenyja ŭ vyhladzie rahoŭ, sa znakam troch šaściorak — lohka paznajecca».
Ja spačatku padumała, što čałaviek upaŭ u kanśpirałohiju, ale dziela cikavaści zahuhliła, jak vyhladaje žest rukoj, jaki aznačaje try šaściorki. Akazałasia — i praŭda, heta mienavita toj žest, jaki demanstruje baba na fatahrafii.
Jak heta razumieć? Jašče jaje pastava całkam adpaviadaje chachlackamu tryzubu pa čystaj vypadkovaści. Ale fih ź im z tryzubam, ad bałdy prosta tak skłaści palcy ŭ takuju fihuru niemahčyma», — zajaviła Žyhimont.
Siabroŭka Žyhimont Volha Bondarava niadaŭna prymusiła «Jeŭraopt» prybrać sa svajoj rekłamy papularnaha błohiera z-za nibyta schavanaj tam «prapahandy ŁHBT». I pry ciapierašniaj situacyi ŭ krainie nielha vyklučać, što toj ža los spaścihnie i biaskryŭdny ŭ ideałahičnym sensie muzyčny prajekt teleradyjokampanii «Mir», jaki aburyŭ Žyhimont.
U Minsku na premjeru filma z fejkami pra Buču pryjšła tolki Bondarava ź siabroŭkami
Chto takija vambaty? Jak łukašystaŭ padzialiła na dva łahiery adno pytańnie
Praŭładnaja mastačka Žyhimont: Mnie pradjavili za hieorhijeŭskuju stužku. Ja viščała
Deputat Marzaluk vykazaŭsia za pazityŭnuju dyskryminacyju na karyść biełaruskaj movy. U častki łukašystaŭ pałychaje
Ciapier čytajuć
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola2
Kamientary