Premjer Izraila viečaram zajaviŭ: «CHAMAS chacieŭ hetaj vajny, jon jaje atrymaje. My źniščyli sotni terarystaŭ, i my nie spynimsia».
U noč na 10 kastryčnika na poŭdni Izraila byli čutnyja mahutnyja vybuchi z boku siektara Haza, piša «Jeŭrapiejskaja praŭda».
Pa słovach karespandentaŭ u Zderocie i Aškiełonie, vybuchi było čuvać, kali nad miažoj lacieli źniščalniki.
U paniadziełak ministr abarony Izraila Joŭ Hałant zajaviŭ, što vydaŭ zahad ab poŭnaj błakadzie siektara Haza, a vajskoŭcy buduć błakavać navat dostup da charčavańnia.
Viečaram u paniadziełak premjer-ministr Izraila Bińjamin Nietańjachu vystupiŭ sa zvarotam da nacyi, paabiacaŭšy davieści vajnu suprać bajevikoŭ CHAMAS da pieramožnaha kanca, piša «Mieduza».
Pa słovach kiraŭnika ŭrada, ciapier Izrail znachodzicca ŭ stanie vajny za svajo isnavańnie.
«Hetuju vajnu naviazali nam źviary, jakija prasłaŭlajuć zabojstva žančyn, dziaciej i starych. Źvierstvaŭ, jakija ździajśniajucca CHAMAS, nie nazirałasia z časoŭ źvierstvaŭ IDIŁ. Dziaciej źviazvali i karali śmierciu razam z astatnimi členami ich siemjaŭ, maładych dziaŭčat i chłopcaŭ rasstrelvali ŭ śpinu. My zaŭsiody viedali, što takoje CHAMAS. Ciapier uvieś śviet viedaje. CHAMAS — heta IDIŁ. I my pieramožam sapraŭdy hetak ža, jak adukavany śviet pieramoh IDIŁ. CHAMAS chacieŭ vajny, jon jaje atrymaje», — zajaviŭ Nietańjachu.
Jon adznačyŭ, što na terytoryi Izraila jašče zastajecca niekatoraja kolkaść teryrystaŭ.
«Ja addaŭ rasparadžeńnie atakavać CHAMAS tak, jak my jašče nikoli ich nie atakavali raniej. I heta adbyvajecca prosta ciapier.
My tolki pačali našu vajnu suprać CHAMAS. Toje, što vy bačycie ciapier u Hazie — tolki pačatak.
My źniščyli sotni terarystaŭ, i my nie spynimsia. My znojdziem ich u luboj dzircy. Heta ŭžo adbyvajecca i budzie adbyvacca dalej».
Čytajcie taksama:
Kamientary