«Być baćkam dla cełaj krainy adkazna ŭdvaja». Kadetaŭ sahnali, kab pavinšavać Łukašenku z Dniom baćki
Druhi hod zapar 21 kastryčnika ŭ Biełarusi śviatkujuć Dzień baćki. Na Brestčynie śviata vyrašyli pieratvaryć u dzień prasłaŭleńnia Łukašenki.
Fabryka «Łahuna» razam z telekanałam «Łahuna TB» zapisali vinšavańnie pad nazvaj: «Z Dniom baćki, naš prezident!». Dla stvareńnia prapahandysckaj videa-paštoŭki vykarystali dziaciej.
Kadetaŭ vajenna-patryjatyčnaha kłasa Muchavieckaj siaredniaj škoły pastroili ŭ muziei pad adkrytym niebam «Aleja pamiaci» pobač ź vialikim fota Łukašenki ŭ vajskovaj formie.
Školniki pa čarzie ahučvali zavučany tekst. Voś niekalki radkoŭ:
— Być baćkam − heta nialohkaja zadača.
− A być baćkam dla cełaj krainy adkazna ŭdvaja.
− Baćka − heta asabisty prykład.
− Baćka − heta kłopat i padtrymka.
Apošniuju frazu dzieci kryčać razam i na biełaruskaj movie (da hetaha ŭvieś tekst vinšavańnia hučaŭ na ruskaj):
− Sa śviatam! Z Dniom baćki!
Dalej hledačam demanstrujuć słajd-šou z fota Łukašenki razam sa školnikami i jaho synami.
Zdajecca, biełaruskija čynoŭniki nie bačać nijakich supiarečnaściej u tym, što ŭ jakaści prykłada siamiejnych kaštoŭnaściaŭ jany kažuć pra čałavieka, jaki šmat hadoŭ nie źjaŭlajecca na publicy z aficyjnaj žonkaj i čyj małodšy syn narodžany pa-za šlubam.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary