«Быць бацькам для цэлай краіны адказна ўдвая». Кадэтаў сагналі, каб павіншаваць Лукашэнку з Днём бацькі
Другі год запар 21 кастрычніка ў Беларусі святкуюць Дзень бацькі. На Брэстчыне свята вырашылі ператварыць у дзень праслаўлення Лукашэнкі.
Фабрыка «Лагуна» разам з тэлеканалам «Лагуна ТБ» запісалі віншаванне пад назвай: «З Днём бацькі, наш прэзідэнт!». Для стварэння прапагандысцкай відэа-паштоўкі выкарысталі дзяцей.
Кадэтаў ваенна-патрыятычнага класа Мухавецкай сярэдняй школы пастроілі ў музеі пад адкрытым небам «Алея памяці» побач з вялікім фота Лукашэнкі ў вайсковай форме.
Школьнікі па чарзе агучвалі завучаны тэкст. Вось некалькі радкоў:
— Быць бацькам − гэта нялёгкая задача.
− А быць бацькам для цэлай краіны адказна ўдвая.
− Бацька − гэта асабісты прыклад.
− Бацька − гэта клопат і падтрымка.
Апошнюю фразу дзеці крычаць разам і на беларускай мове (да гэтага ўвесь тэкст віншавання гучаў на рускай):
− Са святам! З Днём бацькі!
Далей гледачам дэманструюць слайд-шоу з фота Лукашэнкі разам са школьнікамі і яго сынамі.
Здаецца, беларускія чыноўнікі не бачаць ніякіх супярэчнасцей у тым, што ў якасці прыклада сямейных каштоўнасцяў яны кажуць пра чалавека, які шмат гадоў не з’яўляецца на публіцы з афіцыйнай жонкай і чый малодшы сын народжаны па-за шлюбам.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары