U sakaviku Kajrata Baranbajeva asudzili na 8 hadoŭ turmy, ale ŭ listapadzie jamu źmianili pakarańnie.
Biznesoŭca Kajrat Baranbajeŭ vyjšaŭ na volu. Pra heta paviedamlaje «Kazinfarm». Nieadbytaja častka pazbaŭleńnia voli zamienienaja pakarańniem u vyhladzie pazbaŭleńnia voli, jakoje jon budzie adbyvać doma.
31 sakavika sud u Astanie prysudziŭ Baranbajevu vosiem hadoŭ turmy. Jaho pryznali vinavatym u prysvajeńni daručanaj čužoj majomaści, a taksama dapamozie ŭ admyvańni hrošaj, atrymanych złačynnym šlacham.
U kastryčniku sud zadavoliŭ chadajnictva biznesoŭcy ab zamienie pakarańnia na abmiežavańnie voli. Za heta jamu daviałosia pieradać dziaržavie vialikuju častku svaich aktyvaŭ.
Kajrat Baranbajeŭ byŭ zatrymany ŭ sakaviku 2022 hoda. Raniej jon vałodaŭ franšyzaj Mcdonald's u Biełarusi i na svajoj radzimie. Jamu taksama naležali pradpryjemstvy pa raźlivie minieralnaj vady, fitnes-kłuby, farmaceŭtyčnyja vytvorčaści, kamiercyjnaja nieruchomaść i inš.
Baranbajeŭ — svajak eks-prezidenta Kazachstana Nursułtana Nazarbajeva, a pradstaŭniki jahonaha kłana ŭ hetaj krainie ź minułaha hoda nie ŭ pašanie.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu20
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary