Zatrymali dziaŭčynu z Mahilova. Kažuć: za ŭdzieł u mitynhach za miažoju

Zatrymanuju zvać Valeryja Stachoŭskaja. Dziaŭčynie 20 hadoŭ. Jana rodam z Mahilova.

U 2020-m pastupiła ŭ Mahiloŭski handlovy kaledž na śpiecyjalnaść «Markietynh». Ale nie skončyła i ŭ 2021-m pajechała pracavać u Polšču majstram pa manikiury.

Viadoma, što jana viarnułasia ŭ Biełaruś nie paźniej za žnivień 2023-ha, bo tady ŭładkavałasia ŭ sałon pryhažości ŭ Mahilovie.

U videa HUBAZiKa Valeryja kaža, što jana ŭ Varšavie pracavała ŭ sałonie, jakim «kiravała bečebešnica, što zmušała ŭdzielničać u akcyjach dyjaspary i vyražać salidarnaść z Ukrainaj, a fota vykładać u sacsietki pad pahrozaj zvalnieńnia».

Varta zaznačyć, što łukašenkaŭskaja palityčnaja palicyja sistematyčna šantažom abo katavańniami zmušaje aryštavanych začytvać na kamieru patrebnyja ŭładam teksty. Voś jak apisała heta niadaŭna 59-hadovaja nastaŭnica Alena Cymbalist.

U Valeryi Stachoŭskaj byŭ pryvatny telehram-kanał, dzie jana «raźmiaščała fota z bčb-simvolikaj».

HUBAZiKaŭcy kažuć, što dziaŭčyna ciapier na sutkach i ŭ jaje kanfiskavali ajfon. Jany złaradničajuć, što dziaŭčyna doŭha źbirała na jaho hrošy i «pracavała na polskich dziadźkoŭ i ciotak», kab jaho kupić.

Kali vy viedajecie pra toje, što zdaryłasia, bolš, pišycie redaktaru «Našaj Nivy» ŭ TH ci na nivanasha@proton.me.

Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).

Masavyja palityčnyja represii ŭ Biełarusi praciahvajucca z 2020 hoda, kali vybary supravadžalisia nierehistracyjaj i aryštami praciŭnikaŭ Łukašenki i naziralnikaŭ na vybarčych učastkach. Niahledziačy na heta, Alaksandr Łukašenka, miarkujučy sa źviestak z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhravaŭ Śviatłanie Cichanoŭskaj, ale nie addaŭ ułady. 

Łukašysty pieraśledujuć usich, chto publična vystupaŭ suprać ich kiravańnia i suprać rasijskaha kantrolu nad Biełaruśsiu.

Z 2022 hoda, paśla napadu Rasii na Ukrainu, biełarusaŭ pačali pieraśledavać taksama za antyvajennyja vykazvańni abo simpatyi da Ukrainy.

Pa słovach hienieralnaha prakurora Andreja Švieda, zaviedziena bolš za 16 tysiač kryminalnych spraŭ «ekstremisckaj skiravanaści», heta značyć palityčnaha charaktaru. Zhodna z infarmacyjaj pradstaŭnika Abjadnanaha pierachodnaha kabinieta Paŭła Łatuški, z 2020 hoda represii zakranuli 136 tysiač čałaviek.

• 2
• 0
• 1
• 8
• 1
• 4
• 78
• 0