Majstar-kłas pa vyrabie navahodnich cacak prachodzić u siadzibie Vańkovičaŭ
U muziei «Dom Vańkovičaŭ. Kultura i mastactva pieršaj pałovy XIX st.» u Minsku prachodzić tematyčnaja prahrama «Kalady ŭ Vańkovičaŭ» z majstar-kłasam pa vyrabie navahodnich cacak.
— Vas čakaje znajomstva z tradycyjami śviatkavańnia Kaladaŭ u šlachieckaj siadzibie XIX stahodździa. Vam pradstavicca mahčymaść stvaryć čaroŭnuju navahodniuju atmaśfieru dla siabie i vašych blizkich, akunucca ŭ ciopłaje chatniaje asiarodździe, i, vykarystoŭvajučy tolki naturalnyja materyjały, vyrabić ułasnymi rukami navahodnija jełačnyja cacki ŭ vyhladzie dekupažu, anturažnych halinak, šyšak z kapialušykami i bancikami, vianočkaŭ ci zorak. Hety majstar-kłas zacikavić jak dziaciej, tak i darosłych, — padzialiłasia sa «Źviazdoj» navukovy supracoŭnik muzieja Jana Kazłoŭskaja.
Bližej da Kaladaŭ naviedvalniki ŭbačać roznyja lustry, kandelabry, žyrandoli i alejnuju lampu pieršaj pałovy XIX stahodździa, paznajomiacca z historyjaj vykarystańnia śviečak u šlachieckaj siadzibie.
U čas prahramy naviedvalniki zmohuć paŭdzielničać u majstar-kłasie pa vyrabie śviečak z naturalnaha vosku i atrymać niezvyčajny padarunak.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary