Ad ukrainskaj śpiavački patrabavali vybačycca za videa z «charošym ruskim». Jaje admova vyklikała skandał
«Słuchajcie, vy chutka tak zadzieŭbiacie ludziej hetaj zdradaj. Užo ŭsio, jak u kancłahiery», — kaža Volha Palakova.
Ukrainskaja śpiavačka Vola Palakova trapiła pad chvalu krytyki.
Va Ukrainie mnohija aburylisia, što na fiestyvali Łajmy Vajkule ŭ Jurmale jana źniałasia ŭ videa z rasijskim błohieram i muzykam Siarhiejem Hryhorjevym-Apałonavym. (Heta plamieńnik inšaha Hryhorjeva-Apałonava z «Ivanušak». Siarhiej žyvie ŭ emihracyi, niadaŭna davaŭ intervju Ksienii Sabčak. Jon vykazvaŭsia suprać vajny.)
U niadaŭnim intervju Palakova prakamientavała toje videa. Jana kazała, što nie sačyła za karjeraj Hryhorjeva-Apałonava, a samo mierapryjemstva było praŭkrainskim.
Jana prakamientavała krytyku ŭ svoj bok z-za znosin ź inšymi rasijskimi artystami, jakija nie padtrymali vajny.
«Słuchajcie, vy chutka tak zadzieŭbiacie ludziej hetaj zdradaj. Užo ŭsio, jak u kancłahiery. Ukraina ŭžo nie svabodnaja kraina», — skazała śpiavačka.
«Pahladzicie na hetych zorak, jakija bajacca rot raziavić. Ty musiš uvieś čas bajacca, što dzieści nie tak kamuści skazaŭ, nie z tym sfatahrafavaŭsia, nie toje skazaŭ u intervju, nie tak pavioŭ siabie, dzieści nie zapłakaŭ, dzie treba było».
Palakovu aburyła patrabavańnie prasić prabačeńnia. Heta nahadvaje joj partyjny schod KPSS. «Ja nikomu nie pavinna ničoha tłumačyć, ja ničoha nie zrabiła kiepskaha». Śpiavačka, jakaja vystupaje pa-ŭkrainsku i intervju davała pa-ŭkrainsku, ličyć, što da svaich čaplajucca bolš, čym da inšych.
Palakova zastupiłasia za Puhačovu i Hałkina.
«Ała Puhačova i Maksim Hałkin u Rasii mieli absalutna ŭsio. Jany ŭ adzin dzień sabralisia, pakinuli svoj dom, pakinuli ŭsio, što mieli, i źjechali z krainy, kab nie być razam z režymam, z krainaj, jakaja čynić vialikuju ahresiju suprać Ukrainy. Razumiejecie, hetyja ludzi stracili ŭsio. Jany padtrymlivajuć Ukrainu, jak mohuć. I toje, što my chiejcim ludziej za toje, jak jany padtrymlivajuć Ukrainu, to my tak z vami padtrymki ŭ śviecie bolš nie zarobim. (…)
Skažycie, kali łaska, čałaviek, jaki admoviŭsia ad usiaho ŭ Rasii i dapamahaje Ukrainie, ale rasijanin pa nacyjanalnaści — horšy? (…)
Tamu dzialić ludziej na dobrych ci drennych pa nacyjanalnaści — heta duraść».
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci46
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary