U akupavanym Sievastopali ŭ vyniku detanacyi bojeprypasu zahinuli piać čałaviek — čatyry supracoŭniki MNS i achoŭnik budynku. Jak paviedamiŭ pryznačany Rasijaj hubiernatar Michaił Razvažajeŭ, zdareńnie adbyłosia padčas abśledavańnia terytoryi paśla ataki ŭkrainskich bieśpiłotnikaŭ.
Apieracyju pravodzili śpiecyjalisty MNS. Padčas pracy adzin ź nierazarvanych bojeprypasaŭ vybuchnuŭ, pišuć rasijskija kanały.
U vyniku detanacyi zahinuli čatyry sapiory: 40‑hadovy Anton Čudakoŭ, 42‑hadovy Alaksandr Pančuk, 29‑hadovy Arciom Duplin i 49‑hadovy Raman Pilipčuk. Taksama achviaraj vybuchu staŭ achoŭnik abjekta Vasil Staravieraŭ.
Pavodle paviedamleńniaŭ miascovych uład, zahinułyja sapiory byli daśviedčanymi supracoŭnikami, jakija raniej pracavali ŭ Sievastopali, na Danbasie i ŭ Kurskaj vobłaści.
Kamientary