Člen Savieta pry prezidencie RF pa mižnacyjanalnych adnosinach Andrej Chudalejeŭ vykazaŭ zaniepakojenaść z pryčyny cikavaści da elfijskaj movy siarod moładzi.
Pavodle jaho słoŭ, hetaja źjava ŭjaŭlaje saboj surjoznuju pahrozu. Pra heta jon zajaviŭ u Kurhanie na forumie «Šmatnacyjanalnaja moładź Zauralla», piša ura.ru.
«U Rasii pry apošnim pierapisie nasielnictva aficyjna była zafiksavanaja «elfijskaja narodnaść». Elfami siabie identyfikavali krychu bolš za 12 tysiač čałaviek. < … > Pa Kanstytucyi RF, nacyjanalnaść vyznačajecca tak — chto jak siabie nazvaŭ, toj takim i jość. Ja b hetuju temu nie padniaŭ, ale ŭ kožnym horadzie znachodžu nastaŭnikaŭ, jakija mnie kažuć, što ŭ ich jość dzieci, jakija vyvučajuć elfijskuju movu. < … > Ja z tych časoŭ u cacki nie hulaju, liču heta surjoznaj pahrozaj», — raspavioŭ Chudalejeŭ.
Jon padkreśliŭ, što ŭ «Jandeks pierakładčyku» jość pierakład z elfijskaj, ale niama mnohich realnych moŭ RF.
Vydumanuju elfijskuju movu stvaryŭ Dž. R. Tołkin, aŭtar tvoraŭ «Uładar piarścionkaŭ» i «Chobit, abo tudy i nazad». Mova była raspracavana jak častka stvoranaha piśmieńnikam śvietu i vykarystoŭvajecca ŭ jaho knihach. Jana nabyła papularnaść siarod fanataŭ fentezi-epapiei.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary