Rektar BDU pra vučobu ŭ rasijskich univierach: Nie baču nivodnaha plusu, sens stralać sabie ŭ nahu
Rektar BDU Andrej Karol adkazaŭ, ci pryniata kančatkovaje rašeńnie pra abaviazkovaje raźmierkavańnie płatnikaŭ, i parazvažaŭ, ci pryviadzie heta da vyjezdu moładzi na navučańnie ŭ Rasiju.
U pieradačy «100 pytańniaŭ darosłamu» na BT u rektara BDU Andreja Karala siarod inšaha spytali pra abaviazkovaje raźmierkavańnie dla płatnikaŭ.
Pa słovach rektara, student-płatnik — «vielmi ŭmoŭna płatnik». Jon patłumačyŭ: «Płata za navučańnie ŭ šmat razoŭ mienšaja za toje, što płaciać navat u krainach-susiedziach pa toj ža śpiecyjalnaści. I heta nie tamu, što my tanna cenim adukacyju, a tamu, što dziaržava ŭkładaje svaje hrošy dla taho, kab padtrymać čałavieka, jaki vučycca na tak zvanaj płatnaj formie navučańnia. Kali dziaržava maje, umoŭna kažučy, svoj pakiet akcyj u navučańni płatnika, to čamu jana nie pavinna mieć peŭnych pravoŭ?»
«A kali płatnikaŭ pačnuć raźmiarkoŭvać, ci nie baiciesia vy, što šmat chto pajedzie ŭ tuju ž Rasiju za taki ž košt za navučańnie?» — pacikavilisia ŭ rektara.
Pa słovach Karala, rektar mała čaho baicca.
«Ty kožny dzień praličvaješ i razumieješ, što moža być, a što nie moža. I ludzi heta taksama praličvajuć i dobra razumiejuć. Pry ŭmovie, što adukacyja ŭ VNU Biełarusi (ja navat nie havaru pra BDU, jaki staić pa šerahu kryteryjaŭ vyšej u mižnarodnych rejtynhach, čym topavyja VNU Rasijskaj Fiederacyi) ničym nie horšaja.
Sens stralać sabie ŭ nahu — jechać niezrazumieła za kolki tysiač kiłamietraŭ ad rodnaha domu».
Karol zapeŭniŭ, što viedaje, kolki kaštuje navučańnie ŭ viadučych VNU Rasii. I jano daražejšaje, čym u Biełarusi.
«I heta z-za taho, kab potym nie mieć dla płatnaha studenta mahčymaści atrymać svaje prafiesijnyja navyki? Ja nie baču nivodnaha plusa. Niechta, chto ličyć, što jamu heta vyhadna — kali łaska.
Masava hetaha nie było, i ja spadziajusia, što nie budzie. Kali jość niejkija indyvidualnyja pieravahi ŭ studentaŭ, to jość prava vybaru. Nichto heta nie zabaraniaje i, spadziajusia, takoj zabarony nie budzie. Kožny niasie za svoj učynak adkaznaść samastojna».
Andrej Karol adznačyŭ, što rašeńnie pra abaviazkovaje raźmierkavańnie płatnikaŭ jašče nie pryniata.
Čytajcie jašče:
«Kumulatyŭny efiekt». Ministr adukacyi prahnazuje značnaje padaražeńnie navučańnia ŭ VNU
Były kiraŭnik palikliniki razvažaje pra źmieny ŭ zakonie dla miedykaŭ. Jon bačyć i plusy
Abaviazkovaje raźmierkavańnie płatnikaŭ mohuć uvieści ŭ 2024-m
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary