BDU ŭsio ž pryznaŭ, što «Kibierpartyzany» ŭzłamali jahonyja bazy
Nacyjanalny centr abarony piersanalnych danych paviedamiŭ, što Biełaruski dziaržaŭny ŭniviersitet nakiravaŭ u jaho adras infarmacyju ab uzłomie svajoj infarmacyjnaj sistemy.
«Pavodle infarmacyi Biełaruskaha dziaržaŭnaha ŭniviersiteta, nakiravanaj u centr, byŭ ažyćcioŭleny niesankcyjanavany dostup da infarmacyjnaj sistemy BDU, pry jakim złamyśnikami byli niezakonna atrymanyja piersanalnyja danyja kala šaści tysiač čałaviek», — havorycca ŭ paviedamleńni. Pa hetym incydencie buduć prymacca «praduhledžanyja zakanadaŭstvam miery».
Raniej «Kibierpartyzany» paviedamlali, što ŭzłamali sajty BDU i abiacali viarnuć infarmacyju, kali ŭłady vypuściać 50 palitviaźniaŭ.
Pres-słužba BDU, u svaju čarhu, zrazu zaniała pazicyju prymianšeńnia prablemy, zvodziačy jaje da «DDoS-ataki» i «techničnaha zboju»: «Infarmacyja pra DDoS-ataku na BDU, jakaja raspaŭsiudžvajecca ŭ internecie, niedakładnaja. Va ŭniviersitecie adbyŭsia techničny zboj funkcyjanavańnia sistemy apracoŭki danych. Skryn i fota, jakija raspaŭsiudžvajucca, niedakładnyja, sfalsifikavanyja, jany prajšli apracoŭku ŭ hrafičnych redaktarach».
Ciapier, adnak, musili aficyjna pryznać, što ŭsio surjozna.
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary