Švied zapatrabavaŭ zavieści kryminałku za ŭciečku infarmacyi paśla sustrečy z «Rucham maci — 328»
Milicyja pa-raniejšamu pieraśleduje aktyvistak ruchu.
Paśla Novaha hoda ich znoŭ abtelefanoŭvajuć, vyklikajuć na dopyty i praviarajuć telefony. Siłaviki sprabujuć vyjavić administrataraŭ sacsietak i telehram-kanałaŭ, jakija abjadnoŭvajuć svajakoŭ asudžanych, paviedamlaje Mayday.team.
5 śniežnia supracoŭniki milicyi prymusili likvidavać vajbier-čat hramadzianskaj inicyjatyvy «Maci 328», u jakim razmaŭlali svajaki asudžanych za narkazłačynstvy. Ciapier ža jany viaduć pošuk tych, chto ŭ hetym čacie byŭ. Siłavikoŭ cikaviać dalejšyja płany svajakoŭ asudžanych, jakija zmahajucca za źmianšeńnie terminaŭ źniavoleńnia pa artykule 328.
Paralelna idzie cisk i na administrataraŭ inšych placovak. Tak, prymusili vydalić čat mazyrskaj papraŭčaj kałonii №20. Siłaviki vyličyli administratara, i apieratyŭny rabotnik pryhraziŭ represijami svajaku, jaki znachodzicca ŭ źniavoleńni.
Viadoma, što ŭ červieni minułaha hoda, paśla sustrečy z «Maci-328» na vyjaznym pryjomie hienprakurora Andreja Švieda, apošni zapatrabavaŭ zavieści kryminalnuju spravu pa fakcie ŭciečki infarmacyi ŭ pabliki i ŚMI, jakija ciapierašni režym niezakonna abviaściŭ «ekstremisckimi».
Ciapier čytajuć
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca8
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary