U kałoniju, dzie siadziać Kaleśnikava i Zołatava, pryvieźli sałodkija padarunki ad Łukašenki
Rychtujučy prymierkavanuju da 80-hodździa vyzvaleńnia terytoryi Biełarusi ad niamieckaj akupacyi amnistyju, vysokija čynoŭniki pačali jeździć pa kałonijach. Namieśnica kiraŭnika administracyi Łukašenki Volha Čuprys 17 studzienia naviedała papraŭčuju kałoniju №4 u Homieli. U joj utrymlivajucca źniavolenyja žančyny, siarod jakich niamała i palityčnych.
Pra palitviaźniaŭ Čuprys padčas svajho vizitu nie zhadvała, zatoje aktyŭna raschvalvała Łukašenku. Pavodle jaje słoŭ, jon «najmudrejšy palityk i hłyboki čałaviek. Jon źviartaje ŭvahu na ŭsio».
A najpierš «najmudrejšy palityk», maŭlaŭ, u dumkach i kłopatach pra źniavolenych dziaciej:
«Tema, źviazanaja ź dziećmi, zaŭsiody była i zastajecca vielmi važnaj i trapiatkoj dla kiraŭnika dziaržavy. Tamu byli sfarmavanyja sałodkija pačastunki dla tych, chto znachodzicca ŭ PK № 4. Heta vielmi važna. Prezident nie dzielić dziaciej na svaich ci čužych, drennych ci dobrych — jany ŭsie našy dzieci», — zajaviła Čuprys.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary
heta nastolki nieśmiešna, što...